1. 今日所有出嚟嘅人真係辛苦晒，係「真辛苦」，絕對唔易行。
2. 三點後幾乎全程落雨，雨勢有時頗大，但幸好未至狂風暴雨，撐着傘還是可以的，但撐幾小時傘也很累，而且一樣濕晒，因為人太多，雨傘「打交」嘅情況常有，當然有不少人係沒有舉傘嘅禮儀常識，我就畀人插咗幾次頭，也見到有人因此而爭執，但整體嚟講大家都好忍讓，明白人多到咁又無指定路線行，只能靠自律，就係咁。幸好，呢啲日子出得嚟嘅一般都好高質素。
3. 警方可能諗住，反對遊行，就冇人出嚟，真係天真過天真嬌。結果就更多人出嚟集會，咁因為唔係遊行，冇得喺唔同地方插隊，結果人人都要去維園，於是迫爆晒所有可以去維園嘅地鐵站同路。我69和616都喺炮台山出行去維園，人係多，但絕對冇今日嘅炮台山咁多，多到要排差不多半小時先出到地面，咁當然係因為銅鑼灣同天后已塞爆晒，所以好多人揀炮台山出然後行去維園。
4. 維園係絕對容納唔到咁多人，加埋人人撐傘，大家迫住走得更疏。今日出嚟嘅黑衣人係冇撐警人士嘅絕技——不懂疊羅漢也不能像遊魂野鬼一樣令自己好似空氣咁飄浮(不然添馬公園點容納47萬人)，所以結果維園就好似一個滿瀉嘅盆，人潮如水向維園四周流溢，各區都係人，佔據晒道路係自然而然嘅事。
5. 唔畀遊行另一個壞處，就係當你去完維園諗住返屋企嘅時候，因為冇警方封路同指示，也無民陣嘅糾察喺條街上維持秩序(因為今日係唔畀遊行架嘛)，結果同一條路，有一大班喺維園出嚟嘅市民，同時中間又插一大班要迫入維園嘅市民，形成互相爭路嘅慘況，加上全程落雨人人擔遮，冇人指揮和疏導，一切靠大家執生，少啲耐性都唔掂。但唔知點解喺呢啲場合，香港人嘅耐性和涵養仲高過日本人。
6. 我喺維園經名店坊穿出告士打道諗住返屋企，就出現以上情況，塞塞塞塞咗好耐，個個嗌「開路」，但當你行到出去，你會發現「開乜嘢路」呢？嗰度根本一個警察都冇，根本冇人攔住大家，純粹係啲巴士走唔到塞住條路，同埋同一條路一半係出一半係入，令到條路塞住。最後大家合作讓路畀兩架巴士走咗，出到登龍街過咗樽頸位，豁然開朗，成條告士打道就畀你行晒，一啲阻塞都冇。
7. 喺出告士打道(怡東酒店嗰頭)迫咗成粒鐘嘅期間，有架救護車要過，今次自己成為紅海一部分，見證咩叫「分紅海」。
8. 今日人數無法估計，但以過往經驗估算，過百萬是肯定的了，但實際人數我諗冇辦法點算，因為根本冇人「遊行」，市民分散到很多不同道路(好似告士打道西行全部畀人行，唔係第一次都好少見)，又無起點又無中途點又無終點，都唔知點計。
9. 但幾多人都好，總之就係：好X多人！今天是721元朗恐襲的第四個星期，即一個月了，中間經歷了很多很多，還有機場所謂的「輸了一仗」，但結果，今日仍然有過百萬人冒着大雨走出來，就係話畀大家聽：即使輸了一仗，但民心沒失，大家都諒解，覺得好少事，不分化不割蓆。
10. 今日全程我一個警察都見唔到，所以今日好和平，完。
11. 風雨中抱緊自由，香港人加油。
轉載自葉一知
凝望 
爛政府根本清楚知道有許多許多香港人不滿林鄭施政，林鄭就偏不下台，再利用警隊濫權濫捕。
讚讚
如果在民主國家，佢早就滾蛋了。
讚讚
香港加油💪！自由是最可貴的，可惜林鄭月娥和她的同事不懂得珍惜。
讚讚
對。
生命誠可貴，
愛情價更高。
若為自由故，
兩者皆可拋。
這是一位共產黨人寫的詩。
可惜共產黨得了天下，卻忘了初心。
讚讚
多謝你的回應。170万人的8.18集会依然未能感动撼动中共港共，林郑政府不只对市民的五大诉求零回应，还指摘集会针对警方，无异於挑衅市民丶挑拨警方升级滥暴。而中共在深圳陈兵逾万，摆出随时踏入香港平暴的姿态，又连夜发出文件要深圳建先行示范区，极尽文攻武吓之能事，无异於挑衅港人丶挑拨中港矛盾。中港当权者已成魔，漠不关心民意及香港下一代，反而只给港人两个选择：要麽无条件投降丶放弃抗争；要麽继续抗争，等港警或中国军警强力镇压清场。
讚讚
老哥別客氣，香港正行緊衰運，我們除了抗爭，也只有自求多福了。
讚讚