許仕仁案被判罪成的四位名人被告，在荔枝角收押所度過首個漫漫鐵窗寒夜，昨晨有律師和親友探監。其中久未露面的許仕仁太太，與丈夫獄中相會兩小時。她在獄外接受訪問，於丈夫落難後首次剖白內心感受，她總結丈夫的最大缺點就是「鍾意花錢買嘢」，好在她自己不糊塗，財政上與丈夫分開，故無被丈夫亂花錢「連累」。她忠告所有夫婦要明白世事禍福難料，奉勸天下女人要精明理財，自己管好私己錢。
許仕仁、郭炳江、陳鉅源及關雄生四名被告，在荔枝角收押所內的醫院度過寒夜，昨晨身穿囚衣腳踢拖鞋會見前來探監的律師團、親友。
憂夫健康 與許「沙煲兄弟」探監
早上九時半，許仕仁的妻子羅美美，在許的「沙煲兄弟」錢月明陪同下，乘搭私家車抵達收押所。一向迴避傳媒的許太，一改常態欣然接受記者訪問，她神情平靜，言談間多次展露笑容。她暗示自己亦很疲累，亦擔心丈夫，「擔心佢嘅健康，心情各樣都影響好大。有乜嘢幫佢做，咪見步行步囉。」與丈夫結婚四十年的許太，是退休高級公務員，對於丈夫被揭生活上「大花筒」豪花錢，以致淪落到如今地步。許太指「佢其中一個大缺點呢，就係性格上一向都係鍾意花錢買嘢，即係你要佢唔買，佢會唔會聽你呢？咁亦都無謂做太太嘅咁囉唆啦。」
|
|
|
拒做囉唆老婆 自己儲錢買車
不過，許太稱：「勝在我都唔懵嘅，我哋嘅財政係分開嘅，我返工我嘅錢我賺，咁我儲到錢，咪買架車囉。佢亂咁使錢，鍾意買佢自己嘅嘢，咁佢連累唔到我o架。」她又以自己的經驗忠告夫婦間如何理財，「我喺呢度順便忠告啲夫婦，未結婚又好，結咗婚又好，有時你唔知福禍係點o架第時，女士精啲嘅呢，自己keep住自己啲錢。」
|
|
|
|
對於可能判刑很重、上訴問題，她坦言：「乜嘢可能性，心理都有預備，如果個天係認為咁樣適當，都無話可說。」
|
|
|
|
|
|
表明會上訴 考慮申請法援
她強調：「一定會上訴。」她稱對律師有信心，至於律師費方面，許太表示：「冇乜所謂，我哋嘅律師都好明白我財政係點樣，許生依家破咗產，律師之後上訴又好，乜都好，可能考慮法律援助，當然我希望申請得到，減輕我嘅負擔，因為我嗰舊嘢係咁大，嗰舊嘢如果係需要花費咁大嘅，咁你亦都唔掂o架嘛。」另外，過往有傳許太患重病，不過她昨日稱身體狀況尚好：「多謝天主，我嘅健康呢幾年唔錯，但係年紀到咁上下，眼睛有啲毛病，舊年我隻眼睛做咗手術。」記者追問是否方便透露病情，她指：「普通嘢，唔係致命嘅病，黃斑病變。」兩人逗留至上午十一時半後離去，神情輕鬆。被問及許仕仁是否睡得好，許太稱丈夫感到很寒冷，又反問記者：「咁凍你會唔會瞓得好？」至於許仕仁「食唔食得落」，許太形容似醫院的食物，問她：「會唔會原諒許生？」許太未有回應，與錢乘搭私家車離開，前往港島南區陽明山莊會所享用自助午餐。/東方日報
凝望 
駛大咗但似乎冇做十惡不赦的事，70歲先鎯鐺入獄，實在太可惜，亦有點可憐。
讚讚
應該唔使坐好耐。
讚讚
睇o黎你幾支持貪喎.
佢唔貪咪冇事囉.
雖然佢冇做十惡不赦o既事,但如果個個都好似佢咁,呢個世界咪冇公平囉,共產黨o衣o家至醒覺,你就…..
讚讚
慧瑩，從對事不對人的角度，蟲蟲篇貼文只提過對一個錯但吾係十惡不赦嘅人喺風燭殘年要坐7年牢的悲慘，並無提過咩支持貪污。蟲蟲一向同情老年人，不論係街頭執紙皮的貧苦長者，或曾經風光卻喺黃昏之年失去一切甚至自尊自由的老人家。人誰無過？人誰無弱點？年輕人仲可以用重新嚟過的希望捱過去，老人只好遺憾絶望地走向終結。為咁一個人感可惜，可憐，只係好基本同理心。
讚讚
呢啲叫咎由自取,好彩你唔係法官(亦希望你唔係).
讚讚
慧瑩息怒，蟲蟲唔係呢個意思。
讚讚
蟲蟲是個很尊重法治的人，相信佢若是法官，一定會依法判決。
讚讚
慧瑩，蟲蟲到呢個博客主要目的係支持羊爸，而唔係去得罪羊爸的朋友，令羊爸難做。如蟲蟲觀點與慧瑩有所出入，由於並非寫在慧瑩的博客，其實慧瑩真係無需take it personal.
讚讚
由於呢啲係公開言論,所以大家都有權留言/回應(又令我諗起共產黨啲衰o野),如果你唔想,你可以用私人留言同羊爸傾.
讚讚
羊爸：蟲蟲到你博客差不多一年，源於在報紙睇到你和小羊的故事。蟲蟲好眀白失去親人那種不能承受的痛，更明白自責的痛，看到你的故事就好似看到自己的故事。所以冒眛到此博客希望支持羊爸。估唔到大家相當啱傾，呢一年亦天南地北的聊了好多事情。如今發生意料之外的事。蟲蟲唔想隱暪真我，但更唔想羊爸左右難做。始終羊爸其他朋友認識羊爸多年、亦經常碰面，更能真實地陪伴支持羊爸。所以蟲蟲就此告別。希望羊爸儘快走出傷痛。祝羊爸快樂。
讚讚
謝謝蟲蟲這一年多來對老羊的支持和開解。
其實在有人的地方就會有不同的意見存在，這是很平常的事。
如果老羊的朋友留言引致蟲蟲不快，老羊在此代朋友向蟲蟲陪個不是。
還望蟲蟲有空繼續來此與老羊聊天。
祝你快樂！
讚讚
對唔住羊爸,令你冇o左蟲蟲.
只不過蟲蟲呢次擺o左我上枱,佢其實重可以繼續支持你同你傾偈.
讚讚
唔使講對唔住，天下無不散之筵席。
讚讚
認同羊爸爸和蟲蟲的意見,同情一个老心人坐牢也是人之常情,就如我們當年也同情劉少奇一樣,雖然他以前做過的事情比許仕仁更多更害人,是權力鬥爭的失敗者.可是看到他被女兒鬥爭我當時也很心酸.
讚讚
同情心都唔代表可以泛濫,好多人o既同情心就係咁樣被人利用.
2014年年初,元朗一好好父親,被環境所迫而斬自閉症o既仔;年中,一個抑鬱失婚婦又係斬自己個仔.
呢兩個就真係好值得同情.
讚讚
同情一个人晚年的悲慘遭遇跟這人早年的所作所為當然大有關係,可是一个人不論年輕時如果大有作為到了晚年如此下場真的值得唏噓.況且許君也沒有殺人放火,身在高位難免誘惑太多,羊兄說得老實.易位而處,我們也不知道自己能不能避開這些.
你說得元朗老人當然更值得同情.
讚讚
咁大個人,意志都唔堅定,唔通真係要明刀明鎗殺人放火至叫做罪有應得?唔係o掛?
大陸黑心食物,因有貪官收取利益而冇被揭發,小則危害市民健康,大則影響中國大陸聲譽同經濟發展,叫唔叫做十惡不赦?
讚讚
謝謝大哥認同。
讚讚