驚聞特首次女割手自殘，老羊深感痛心。
齊昕保重！
木秀於林風摧之 家國難全最可悲
李白話，蜀道之難，難於上青天。其實，今時今日最難行嘅唔係蜀道，而係政途，從政者自己固然要有勇氣及毅力，家人同樣要夠勇敢及堅強，如果唔係，呢條路都幾難行落去。
話說留學英國嘅特首梁振英大女梁齊昕，尋日喺社交網站上載兩張疑似鎅手自殘嘅相片，其中一張可以見到左手腕留下兩條血痕，另一張可以見到右手背血淋淋，仲以英文留言稱：「我會失血致死嗎」及「我喜歡血」，令人猜測有人企圖自殺。據講，梁齊昕性格剛烈，愛抱打不平，眼見父親面對議會暴力及議員無理辱罵卻無從還擊，已經「好唔開心、好唔順氣」，加上年初喺網上評論時事遭網民圍攻謾罵，令佢承受極大壓力，終於透過鎅手自殘宣洩。
睇見呢兩張相片，真係令人唏噓不已。身為特首女兒，唔止要面對自己生活及學業等方面嘅壓力，仲要面對來自社會嘅各種壓力，心中嘅委屈可想而知。尤其係香港愈來愈政治化，社會愈來愈偏激，特首成為眾矢之的，連女兒亦要承受各種批評及非議，真係既無奈又可悲。本來呢，政治人物樹大招風，惹來批評及攻擊一啲都唔出奇，但禍不及妻兒吖嘛，連佢哋嘅家人都受到無理圍攻及欺凌，甚至受到恐嚇，咁就實在太過分喇。
古人話，「修身、齊家、治國、平天下」，從政者除咗自己要有良好嘅修養，亦要識得照顧好家庭，除咗自己要「好打得」，家人亦要「好頂得」，咁先至可以治國平天下。就好似國家主席習近平咁吖，上台前要求喺美國讀書嘅女兒回國，就係想解除後顧之憂；又好似台灣前總統陳水扁咁吖，在任期間兒子被踢爆召妓等醜聞，搞到尷尬不已。相對於內地及台灣，香港社會更加複雜，政治爭拗更加激烈，港府施政更加困難，做特首唔容易，做特首女兒同樣唔容易，如果意志唔夠堅強，都幾難頂得住咁巨大嘅壓力。
正所謂，木秀於林，風必摧之，梁振英本來已經係眾矢之的，加上生肖屬馬，今年犯太歲，更加係頭頭碰着黑。今日香港陷入一片政治狂熱，立法會內有內亂，外有外鬥，呢頭新界東北發展計劃搞到滿城風雨，嗰頭政改爭議愈演愈烈，佔領中環蓄勢待發，一波未平一波又起，弊在港府一味捱打，束手無策，再咁落去，香港都唔知會變成乜嘢世界。
無論點都好喇，身體髮膚受諸父母，自殘始終唔啱，徒令親者痛仇者快嘅咋。做人要自強，尤其係身為政治人物嘅家人，最緊要睇得開，唔使樣樣都咁執着咁認真的！/東方日報
凝望 
選中做特首對其他人就唔容易，對cy就容易啦。咁多屆特首，除左董伯好少少，其實三人都未做好份工作。自己其身不正，下一代無壓力就出奇。
讚讚
我認識一女子有抑鬱，由大專開始界手&自殺傾向，一直未停過…
當然跟家庭關係、背景有關！
讚讚
香港特首是個生殺位，誰上去都搞不定。老羊覺得去擺街邊都好過做特首。
讚讚
其實CY真的好差嗎？起碼他會向發展商説不，打破根深蒂故的「建築面積」樓市騙局，向內地人徵印花稅，將港樓回歸港人，歷屆特首有誰做到？至於向中央説不，咦，似乎連很多人奉為民主高尚的大英帝國都在為中國獻鞋油唱好。在蟲蟲看，CY形象差只是受某些以前既得利益者抹黑。CY大概同歷屆特首一樣，打工啫！
讚讚
我也割過手，我明白他們的痛苦，因而感到特別痛心。
讚讚
蟲蟲一席話說得很在理，特首是被人針對，無論他推出的政策是好是壞，都同樣遭到這些人反對，老羊也替他不值。
讚讚
唔做中，唔做保，唔做特首三代好！
讚讚
呵呵！金句。
讚讚
Like!
讚讚