在老羊家生活了二十幾年的大龜，不知何時，自己將廁所兼沖涼房那幾尺地方，封作自己的領地。
除了老羊、羊媽和小妹，無論誰進入牠的領地，牠都會毫不留情地作出攻擊。
今早大小姐回家整電腦，想去如廁，牠惡狠狠地守著門口，瞪著大小姐。嚇得大小姐不敢進入，老羊教訓了大龜幾句，將牠丟進水桶，大小姐才可如廁。
前幾天，網友來探望老羊，去廁所時，被大龜緊緊咬著波鞋頭不放，Daphne要花了好些力氣，才能將牠拋開，如果不穿鞋子，怕連腳趾都會被咬甩了。
去年，牠將外婆右腳後踭一塊一元硬幣大的肉咬掉，害得外婆足足醫了半個月。
這隻可惡的大龜，跟文化中心的土皇帝都是一丘之貉。
老羊狼一世
凝望 
上次我們去羊爸屋企食飯,我家姐妹都好驚隻龜,驚佢咬人,好彩沒事.
Daphne都幾好彩,有著波鞋.
現在外婆右腳後踭的肉長出來未?
讚讚
下次有客人來，要將牠困起來才好。
外婆早就好番喇，謝謝冰淚關心。
讚讚
羊爸爸大可以訓練隻大龜看門口,但要教識埋佢邊啲人入得,邊啲唔入得.
讚讚
哈哈！慧瑩真係識講笑。羊爸爸仲諗住教佢同人講「早晨」添。
讚讚
都好喎,不過未訓練成功時,記得寫明內有惡龜.
讚讚
係嘅，寫出警告字句，就算有人俾龜咬，羊爸爸也不用賠錢。
讚讚