百萬元開店 聘弱聽員工 有情有意餐廳靠手勢落單
|
|
■弱聽侍應林芷珊（右）起初害怕面對陌生人，常常偷泣，後來漸變大膽，更鼓勵其他同事。黃賢創攝
「我用手語用心為您服務」。有聲有色的歡迎字句，出自不平凡的無聲餐廳。位於紅磡的「有情有意餐廳」，八成員工是失聰或弱聽人士，靠手語和紙筆與食客溝通。員工耳朵聽不到，心卻不然。老闆娘鄭綺文深信，聾人只欠一個機會，故一擲百萬，為他們建立接觸社會的空間。
記者：袁樂婷
失聰人士如何為客人落單？餐桌上早預備了印上簡單指示如「結帳，謝謝」、「筷子」、「A餐」等卡片和墊枱紙。客人只要按一下點菜燈，「手指指」就能點餐。
弱
聽員工林芷珊一直怕面對陌生人，首次當侍應，最大困難是衝破心理關口。有客人問「個餐點解咁耐未嚟」，她怕得躲在一角偷泣，高峯期一星期哭三次。與客人接
觸，芷珊漸漸變得大膽，更鼓勵其他同事克服困難，「有紙有筆，有問題可以寫低，畀啲信心自己」。她不時充當手語繙譯員，「但有時佢哋（比手語）太快，我會
睇唔切，哈哈！」
她身旁笑容燦爛的失聰員工郭圓，不斷比劃雙手，又拍拍芷珊肩頭，期待着芷珊為她繙譯。她說初時偶有「落錯單」，更有客人要求請健
聽同事協助，令她感到失落。幸她漸適應用紙筆與客人對話，更體會到失聰不是溝通障礙，「好開心，唔使再收埋自己」。
 ■墊枱紙有齊簡單指示，「手指指」就可落單。 |
 ■神秘顧客羅偉祥說商場職員近來對照顧殘疾人士的意識有所提高。 |
工作更專注更多笑容
老闆娘鄭綺文本是公司董事，三年前偶然接觸香港聾人協會，發現聾人很難融入社會，決定投資開餐廳，聘請聾人做侍應，「佢哋因為聽唔到嘢好難搵工，但工作能
力其實冇問題，甚至比健聽人士更專注」。她堅持同工同酬，不因員工殘疾而扣減工資，「大家做同樣嘅嘢，應該收到同樣嘅回報」。
開店初期有不少「蝦碌」，有客人向員工示意打包食物，員工卻誤以為他要結賬，把食物倒掉，場面尷尬。經理更曾因溝通困難「幾乎劈炮」。但日久生情，員工漸漸建立親如家人的情誼，「經理當然唔捨得走啦」！
有朋友懷疑聘用聾人「掂唔掂」，鄭綺文反問：「你有冇去過啲餐廳，侍應好似又盲又聾咁，扮聽你唔見睇你唔到，仲笑容欠奉。呢度佢聽唔到，都有笑容畀你吖！」有情有意餐廳剛獲香港失明人互聯會的「無障礙英雄」獎，表揚其推動傷健共融的努力。/蘋果日報
凝望 
好開心又一間聾人餐廳.
讚讚
給白色冰淚.
冰淚你o黎o左就好喇,你咪錯過o左2013.1.4o既?唔緊要啊,原來今年重有好多呢啲特別日子,你記佢,畀個驚喜你男友吖.
2013/1/4：愛你一生一世
2013/2/14：愛你一生愛一世
2013/5/20：愛你一生我愛你
2013/5/30：愛你一生我想你
2013/6/14：愛你一生又一世
2013/7/10：愛你一生娶定你
2013/9/9：愛你一生久久
2013/9/20：愛你一生最愛你
2013/11/14：愛你一心一意一世
讚讚
謝謝慧瑩,好彩妳提醒,我立即畀個驚喜佢,哈哈..^^
讚讚
哎呀…攪錯咗!! 冇今日嘅?
讚讚
哈哈……2013114也行呵！是爱你一生一一世……也通吧！
讚讚
羊爸爸也跟冰淚一樣開心。
讚讚
是，今日是愛你一生又一世日，慧瑩寫漏咗。
讚讚
呵呵,你o地好煙韌好sweet啊.
讚讚
唔係我寫漏,係原文冇呢日,愛你一生又一世係2013.6.14
讚讚
呵呵！係老羊搞錯咗，唔好意思，慧瑩。
讚讚