親愛的女兒
你好！
爸爸去買菜，喜歡光顧相熟的攤檔，熟絡了，買東西時，大家有說有笑，爸爸因而信任他們，從沒問價錢。
在紅磡街市有一雞檔(下稱A檔)，爸爸持續光顧他們已二年有多。
早前去買一隻清遠走地雞，除毛去屎劏好洗淨之後，檔主收爸爸258元。
爸爸覺得有點不對勁，皺皺眉頭，忍不住破例問道：這隻雞多重？
答：將近四斤。
爸爸又問：多少錢一斤？
答：65元。
爸爸拿去附近的公秤過秤，連雞腸、雞肝、雞腎，只得二斤十二両。
爸爸不相信一隻雞的雞毛和屎有一斤多重。
回頭去問檔主，檔主支支吾吾的說不出個理由來，他說給爸爸宰過另外一隻雞。
爸爸說，算啦。
被騙頂多也只是那麼個二、三十元，何必呢。
爸爸每次光顧A雞檔，必路經另一雞檔(下稱B檔)，B檔賣的雞種和A檔一樣，兩個檔位相隔只有幾米。
B檔檔主是個美婦人，爸爸每次走過，她都跟爸爸打個招呼，叫爸爸買她的雞。
爸爸每次都讓她失望。
今年終於如她所願。
上星期六，爸爸打電話叫她留一隻清遠走地雞和一隻鷓鴣。
當日下午，爸爸去拿雞時，發覺她檔口的貨已差不多沽清。
她滿臉笑容多謝爸爸終於肯買她的雞，又大讚爸爸好腳頭，一來就帶旺她的生意。
而A檔檔主遠遠望過來，臉黑黑的，沒半點笑容。
祝你每天都開開心心！
你的爸爸：老羊狼一世
2012年02月20日21時22分於香港
凝望 
唉，唔熟唔食，因小失大。貪之過。
羊爸爸，二斤十二兩的話，只是178元，Ａ檔主足足騙您80元，夠我食幾個飯盒了。
讚讚
有云’黃皮樹了哥,唔熟唔食’,唔怪得呢位美人叫你幫襯佢啦,不過以後都記得問一問喇.
讚讚
冇咁多，隻雞劏淨咗我先拎去秤，除去雞毛和雞屎，大約被呃30元左右吧。以往呃我十元八塊，我都冇理佢，今次佢地太狼死，只好幫襯第二檔啦。
80元，夠你食幾個飯盒了。 Daphne太慳家嘞，千祈唔好搞到自己營養不良呀！
讚讚
羊爸爸慣咗，買嘢好少問價。
讚讚
總之呃人就係錯！
我有時食飯盒係貪方便姐，廿幾蚊兩餸都幾ＯＫ，唔會營養不良架。呢個世界仲有好多貧窮人冇野食，我已經好幸福好知足了。
讚讚