親愛的女兒：
你好！
近來陪你外婆到九龍醫院洗傷口，發覺所有醫護人員都很親切，又有電話預約，比看私家醫生還要方便。
爸爸忍不住於上星期某天，在陪你外婆洗傷口的同時，自己也看了醫生，做了抽血檢查，要正式看看自己是否真的患了糖尿病。
化驗結果顯示爸爸的血糖值是8.3，比個多月前的6.3高了2點，醫生安排爸爸在本月30日做一個全面的糖尿病評估，為爸爸有沒有糖尿病做一個正確的診斷。
醫生還提醒爸爸，不要隨便相信市面上宣稱適合糖尿病人的食品。
這讓爸爸省起個多月前開始食用一種代糖，也不知血糖值升高，是不是這代糖作怪？
爸爸現在已停吃這種代糖，等到30號評估後便有答案了。
有天一早，爸爸就帶外婆去洗傷口，治療室的姑娘都忘不過來。
一位現場指揮的男護士親自動手給外婆洗傷口，他由頭到尾都面露笑容，很熟練地一面洗一面跟我們說話。
爸爸很感動，我們這些窮人在政府部門，很難得到這樣熱情的款待。
臨走時爸爸要求看看他掛在胸前的工作名牌，打算寫封信給院長表揚他。
原來他叫陳子杰。
哈哈！陳子杰，一個很熟悉的名字。
因為我們有一位要好的網友也叫陳子杰呢。
祝你每天都開開心心！
你的爸爸：老羊狼一世
2011年11月16日20時06分於香港
凝望 
你會不會又老眼昏花呀!他就是你所識的陳子杰呀!
聽你咁講真係要寫封信給院長表揚他囉.
讚讚
今次冇老眼昏花，兩個人的樣子完全不同，也許他們倆是異卵孖生的兄弟罷。
會的，在公在私都要啦。
讚讚
呢個名咁普通,遇著同名同姓都唔奇呢.
不過慶幸仍有咁有愛心o既醫護.
讚讚
羊爸爸覺得，凡係叫這個名的人，都會出人頭地。
讚讚
而且一定生得好靚仔好聰明同埋搵到個好好既女朋友 🙂
讚讚
哈哈哈！Daphne霖死亞杰仔嘞，你好少咁讚人個喎，係咪另有目的呢？因住有人吃醋呀。
讚讚
莫非此人Daphne都識?咁Daphne真係有眼光.Daphne go go go. YEAH!
讚讚
係唔係大龜咬傷婆婆呢?
好耐無見Daphne啦!Hello!
讚讚
Hello 哈姆! 你好嗎?
讚讚
我係戥佢同佢女朋友開心，一對璧人呀！
讚讚
講到有眼光梗係慧瑩最叻
讚讚
睇來Daphne真係識得佢。
讚讚
冇錯，係大龜咬傷婆婆。
讚讚
羊爸爸亂噏廿四，還擔心Daphne生氣呢。
讚讚
哇?!Daphne真係誇獎,如果我真係有眼光,就唔會攪到如斯田地呢.
讚讚
羊爸爸咁風趣，我點會嬲呀！我估我應該識得佢既。
慧瑩梗係有眼光，而家有田又有地 🙂
讚讚
唔嬲就好。
等第日你再來我家吃飯時，我順便叫大龜咬你一口，然後帶你去九龍醫院洗傷口，好讓你認識陳子杰，因為此子杰比彼子杰更靚仔，更白淨，而且好像沒有女朋友也。
讚讚
唔嬲就好。等第日你再來我家吃飯時，我順便叫大龜咬你一口，然後帶你去九龍醫院洗傷口，好讓你認識陳子杰，因為此子杰比彼子杰更靚仔，更白淨，而且好像沒有女朋友也。
真係咁靚仔？我都想帶我個女上尼比大龜咬一口，跟住去九龍醫院揾陳子杰醫生呀!我個女無Daphne咁靚呀，阿Daphne讓一讓先啦!
讚讚
我一把年紀，羊爸爸就唔好打攪人地啦
讚讚
您囡囡靚過我好多喎… 快D帶佢去羊爸爸度食飯啦
讚讚
有關陳子杰
各位,原來呢位白淨男護士係我大哥o既師弟,大嫂o既師兄,佢o地o係埋一齊玩o既,佢係冇女朋友,但已婚同有一對仔女,所以…..
讚讚
係啊,我成日踩住政府o既田地o架啦.
讚讚
oliken唔好爭啦，等下次我撞到胡錦濤個仔或英女王個孫，再介紹俾你個女好唔好？
讚讚
唔係啊，我睇佢好似老過你少少喎。
讚讚
吓，又會咁啱？
冇寒囉，大家唔駛再爭嘞。
慧瑩有D殘忍喎，連人家一DD希望都打破埋。
讚讚
咁係事實,殘忍啲都要o架喇,天下間重有大把好男人o既呢.
讚讚
放心啦！慧瑩，冇人搶得走你大哥大嫂呢位好師兄弟。
讚讚
哈哈,有冇人搶走佢我唔知,只希望o個個唔會係我識得o既人,揹住第三者之名好痛苦o既.
讚讚
這件事一定會照慧瑩的意思運行。
讚讚