親愛的女兒：
你好！
昨晚，在你家姐的策劃下，爸爸度過了人生之中至今最開心的生日會。
你家姐本來打算擺兩圍，結果變成四圍。
爸爸收到很多禮金和禮品。
一眾親友、網友陪着爸爸一起歡笑。
爸爸還感應到你亦在爸爸身邊。
爸爸一生，活在艱難困苦之中，從來就不懂得怎麼笑。
昨晚是爸爸有生以來，笑得最多的時候。
樂農餐館美味的出品，熱情有禮的招呼，亦應記一功。
爸爸真不知怎樣感謝百忙之中，抽空光臨的親友和網友； 還有為這個生日會付出了一晚辛勞的樂農員工們。
隨著爸爸60歲生日的過去，算命佬算出爸爸的劫數亦消失了，如無意外，這個算命佬又靈驗的話，爸爸大概可以活到90多歲了吧。
所以，爸爸决定約實昨晚全部光臨爸爸生日會的親友和網友，十年後，爸爸七十歲生日的時候，再在樂農重聚！
祝你每天都開開心心！
你的爸爸：老羊狼一世
2011年05月22日21時27分於香港
相關文章：第1077封信(離別第1102天)劫數
凝望 
羊爸爸，以後每一天，會越來越好！
再祝您生日快樂，生活幸福！昨晚的壽宴很開心很好玩，羊爸爸好靚仔，羊媽媽好靚女，還有阿銀阿恆和小妹都是男的帥女的美，謝謝您們！
讚讚
羊爸爸︰
抱歉因工作未能出席您的壽宴，希望您見諒﹗請問七十大壽，我有冇份呢﹖
小露
讚讚
羊爸：我單看你對著壽包的相已知道你好開心囉！
讚讚
哈哈,羊爸爸一定能享福享到過百.
尋晚有咁多有講有笑才子佳人陪我食羊爸o既壽宴,真係幾生收到呢.
讚讚
再次謝謝Daphne！你都要一日好過一日呀！
昨晚 Daphne和大家都好靚，羊爸爸一個糟老頭子，邊有得比呀。
讚讚
小露快別這樣說，不用等十年，羊爸爸歡迎小露隨時嚟作客。
讚讚
係呀，真係好開心，一世人都未試過咁樣。
那大姐你要記著，十年後你一定要出席呀！
讚讚
哈哈！那慧瑩別忘了，到羊爸爸一百歲生日嗰時，記得帶你D仔仔孫孫嚟同羊爸爸拜壽呀。
讚讚
樂農的員工真的很投入,敬業樂業.
讚讚
邊度有得睇?
讚讚
唔可以單獨留言, 搭咀就可以, 都唔知點解???
我特別喜歡羊爸爸切… 生日蛋"菇" 那一幕 :))
讚讚
卒之得咗啦 !
這晚樂農被羊爸爸班反斗星玩轉咗 :))
讚讚
是，值得一讚！
讚讚
哈哈！May-媽好似個細路咁。
讚讚
羊兄,生日快樂,不經不覺,六十年過去了.回想起來,我們的人生苦多於樂,悲多於喜,不過命運所定,不能選擇,沒什麼好說了.
最近很忙,很少來,祝福羊兄了.
讚讚
真係抱歉啊, 小詠子怕醜沒有同羊爸爸拍照添.
希望你喜歡我送的禮物啊 !
讚讚
遲來的祝賀,祝羊爸爸日日開心,年年健康.
好想睇睇你當晚怎樣露出歡欣雀躍嘅羊相!
讚讚
Hello oliken,
我o係你o度留o左言,請睇睇.
讚讚
謝謝大哥！
是啊！回首往事，真不敢想像，我們會有今天。
讚讚
嗰晚羊爸爸高興到暈酡酡，都唔知小泳子冇影相添。
羊爸爸當然喜歡小泳子送的禮物啦！謝謝你呀！
讚讚
不遲不遲，謝謝oliken！
遲Ｄ你就睇到羊爸的洋相嘞。
讚讚
我都想呀！
那晚未能來是；早前媽媽話太夜回來(冇車可以早)故我一早對亞銀說了請她勿預我們的位！好彩咋！原本哥哥都話來趁熱鬧，點知到那天的前幾天，他要做耳部的手術，包住頭好似摩囉差咁！費事嚇親大家啦！也不好意頭呀！我們雖是教友但你們不是嘛！
大生日來了一個白頭佬，好鬼得人驚呀！係咪？
讚讚
不要緊啦，我知道你地好有心架嘞，謝謝你地呀！
讚讚