親愛的女兒：
你好！
天氣好，爸爸今天做了一千多元生意，算是過得去啦。
近來尖沙咀文化中心藝墟似有復蘇的勢頭，各攤檔都有生意做，可惜這勢頭來得太遲。
今期藝墟開到現在，已有一半檔主放棄了。
在爸爸攤檔的右邊，檔主是一位中年女士，首次參加藝墟擺檔，專賣玻璃首飾。
開初的時候，她常常捧蛋。
現在她的生意卻是大旺。
爸爸今天看著她收錢，粗略估計，少說也有四、五千元生意額。
但每次爸爸問她有沒有生意，她都答沒有。絕大多數的檔主，都像她一樣，不會輕易將自己的生意額告訴別人。
有人說，公開自己的生意額，就等如讓人看到自己的底褲是什麼顏色。
爸爸不明白他們為什麼會這樣。
爸爸就從沒隱瞞自己的生意額。
所以網友oliken笑爸爸是個蠢人， 真是一點也不錯。
祝你每天都開開心心！
你的爸爸：老羊狼一世
2011年04月24日21時29分於香港
凝望 
其實我都唔明點解佢o地唔肯講真話,大家賣o既o野又唔同,唔通驚你借佢錢又或驚你博同情?真係黐線.
羊爸爸唔係蠢,係老實啫.
讚讚
係囉，真係撓晒頭。
慧瑩有冇聽過，忠忠直直，終須乞食呀？
讚讚
可能其他人覺得賺幾多係商業秘密，又或者財不可露眼吧 🙂
老實就等如蠢嗎？我覺得各人做好各人的就是，講不講做了幾多生意，和蠢不蠢無關，不過是餘暇時的談話題材，喜歡就講，不喜歡就不講啦，無人能奪去別人的努力的成果。
個場旺，羊爸爸又應付得來，就趁勢做多ｄ生意啦，祝您賺個盤滿缽滿！
讚讚
Daphne說得對，羊爸爸只係講吓笑。
謝謝Daphne！
讚讚
係囉~ 別人好怪……不用理人咁多啦~ 個腦有問題!
做你的自己本份的事吧! 賺幾多是有賴你努力成果!
你都唔係蠢! 做生意是要老實, 客人是會喜歡的!
我買東西都有遇過老實的生意人, 我很喜歡他/她, 日後我常常幫襯, 至今都不錯呢!
讚讚
有冇聽過"快樂老實人" 呢支歌?
讚讚
冇呀， 威林得閑唱嚟聽下。
讚讚
喂喂喂!我唔係笑你蠢呀!我係話你信我講嘅嘢,你真係蠢呀
讚讚
哈哈！蠢又有乜緊要。傻人有傻福呀。
讚讚
威林徵求網友幕後代唱
讚讚
咁都得？
讚讚