親愛的女兒：
你好！
今次，你媽陪爸爸返鄉下掃墓。
自你走後，爸爸已有兩年沒返家鄉掃墓。
你媽更是記不清有多少年沒陪爸爸回去了。
你媽帶爸爸走一條新的回鄉之路，由旺角坐車往深圳灣口岸過境，到南山登車，可减少一小時車程。這條路風景優美，憑車窗一路觀賞，令人心曠神怡，已可值回票價。
在南山登上回鄉的長途旅巴，旅巴爬上高速公路，以時速100公里前進。
一路上，但見春意盎然，上次回家路旁那光禿禿的樹木，都長滿了淡淡新綠的叶子，水田插滿了秧苗，旱地也都種上花生，大地充滿生機，欣欣向榮。
你媽媽依偎在爸爸的懷裏，像一隻小鳥兒，這一條漫長的歸家之路，變得不再寂寞。
爸爸想起了一首叫《夫妻雙雙把家還》的歌：
爸爸在心中唱著這首歌，不由得打從心裏笑出來。
你媽問：「你笑乜嘢呀？」
爸爸答：「我在鄉下養了個二奶，想到就快見到她，所以笑了。」
你媽揚起粉掌，輕輕刮了爸爸一巴，說：「你敢，我剪咗你…..。」
回到老家，已是晚上九時多，見到了嫲嫲，老人家高興到笑得合不隴咀。
你媽拿出由香港帶回去的香港特產曲奇餅給她吃，老人家邊吃邊說：「好食，好好食。」
祝你每天都開開心心！
你的爸爸：老羊狼一世
2011年04月04日23時25分於廣東吳川
凝望 
歡迎羊爸爸回香港！羊媽媽小鳥依人，羊爸爸幸福微微笑！
讚讚
哈哈！謝謝冰淚的歡迎！
希望冰淚有一天也能「夫妻雙雙把家還」。
讚讚
sweet 到爆!
才子佳人, 羨煞旁人,
唔好俾佢停呀!
讚讚
哈 哈哈..冰淚唔明..把家還…乜意思呵..其實(還)是(回)的意思..回家..回鄉..從前也有句子還家.還鄉.. 古詩亦有提..白日放歌須縱酒.青春作伴好還鄉..明了吧？
讚讚
明白了，即是回家..歸家的意思呵…把家歸..夫妻雙雙把家歸…
讚讚
嘩!回鄉祭祖路都咁鬼死浪漫,羊爸爸o既祖宗們睇到都開心,一定好好保佑你o地呢.
讚讚
「我在鄉下養了個二奶」
我覺得阿羊爸吾似講笑係講真嘅,阿羊媽媽小心d呀,搵私家偵察查下好喎!仲有把鉸剪要大d先至好用!
讚讚
May-媽見笑了，我們算乜鬼才子佳人呀？
讚讚
藍色太陽解說得好。
但你咁樣笑人就唔係幾好嘞，我驚冰淚会罰你抆耳仔呢。
讚讚
呵呵！冰淚真聰明，一點就知。
讚讚
係呀，祖先一直都有保佑我們。
讚讚
哈哈！oliken好利害呀！
讚讚
藍色太陽解說得好。但你咁樣笑人就唔係幾好嘞，我驚冰淚会罰你抆耳仔呢。
好嘢！羊爸爸幫我罵咗佢，佢唔怕抆耳仔，都唔知點樣罰佢好呀…
讚讚
咁就試下罰佢頂痰罐啦。
讚讚
估下呢個乜謎…估四個字,, 小明頂痰罐,中明頂肺,大明頂d咩野呀?
讚讚
哈哈,睇見白色冰淚同藍色太陽咁鬧哄哄o既對話,感覺好開心,好得意.
你兩個真係天生一對呢.
讚讚
羊爸羊媽，冰淚太陽，兩對璧人，真係甜蜜咯…
大明真係慘啦，要頂「鼎」呀 (大名鼎鼎)
讚讚
慧瑩妳同雷娃仲得意呀，你哋先至係天生一對，我同太陽只會整天鬥嘴..
讚讚
Daphne好嘢 !「大名鼎鼎」四個字，實中啦！！本來我想估「大明頂瓜瓜」，但五個字，唔得呀。羊爸羊媽一對璧人，冰淚太陽唔係喎，妳睇佢出咁難嘅謎比我估，都唔出條容易啲，好彩有Daphne幫我估咗佢，好開心呀，哈哈！
讚讚
喝痰盂..好噁心呀…
讚讚
藍色太陽果然膽色過人。
讚讚
Daphne答對了吧。
讚讚
哈哈..比daphne佢估實中架..才女呀！羊爸不如也出多D謎比佢估,,如何？！
讚讚
daphne:..你真係叻..估中有獎.私人醒叉燒飯一碗…由冰淚頒獎如何？等佢來香港…嘻嘻….
讚讚
鬥嘴…….咁呀..又要解畫丫….有人相敬如賓是愛，有人嘮叨叮嚀是愛，也有人把鬥嘴當愛。…其實羊爸同羊媽已經係卦？
讚讚
慧瑩:你好！冰淚話你同雷娃才是天生一對…咁呀..呢個"封號"燙手山芋架..要戴定消防隊手套至敢接..
讚讚
羊爸:…而家人人屋企都有WC..唔會再有痰孟架..所以冇有怕..但D西人用來喝啤酒..真是的….
讚讚
頂冬瓜好呀..夠重又可以食..傅說頂過一晚的冬瓜整冬瓜盅..味道天下無敵！^^香港某怕老婆架大廚因而憑些秘制冬瓜盅名登[健力士]世界大全…嘻嘻…這是[頂呱呱]的由來。
讚讚
你睇你兩個,講o既o野都一樣,重唔係注定一對?冰淚,不要就罸藍太陽頂鼎(鼎鼎)啦.
讚讚
羊爸爸冇藍色太陽咁叻仔呀，都唔知出乜謎畀人估。
你獎Daphne一碗叉燒飯，羊爸爸加多五碗靚湯。
讚讚
未用過的新痰罐只是一個可裝液體的器皿，用來裝酒喝并無不妥吧。
讚讚