親愛的女兒：
你好！
你舅母由你媽的故鄉(也是爸爸的第二故鄉)徐聞縣來香港探你外婆。
她送了兩隻徐聞走地雞給我們，那不是由雞農大批飼養的走地雞，而是由農戶自家養的走地雞。不但口感鮮美，而且肉質鬆化，比起那年我們去泰國，到那間出名的泰國海南雞飯店吃的雞肉還勝一籌。
徐聞縣隔著琼州海峽，與海南島遙遙相望，這個雞種是由徐聞引進海南，還是由海南引入徐聞，就不得而知了。
吃著徐聞雞，爸爸忽然很想念那個曾經生活了二十多年的地方，許多往事不由自主地湧上心頭。
最令爸爸回味的是與你媽拍拖的日子：夜晚偷偷溜到野外，依偎在一起看天上的月亮和繁星，說著永遠也說不完的話題，直到天矇矇光才回家。白天，拿著汽槍到樹林裡去打獵，獵物只是那些可憐的小鳥，當鳥兒被爸爸射中掉到地上，你媽就興高彩烈地去拾起來，那樣子，就好像拾到金子一樣。那時我們雖然很窮，卻沒有現在那麼多煩惱。
已經有二十多年沒回過徐聞了，得找個時間和你媽媽返回去走走才行。
祝你每天都開開心心！
你的爸爸：老羊狼一世
2011年03月26日21時25分於香港
凝望 
拍拖時…說著永遠也說不完的話題
可是結婚後…………………………..
唔怪得羊爸咁識食鷄, 原來………..
好在吃慣"渣"野, 雪藏鷄翼也照入口.
讚讚
我也懷念海南島.
讚讚
聞說海南雞飯唔係源自海南,係南亞星馬菜,唔記得點解取名海南雞.
不過羊爸爸抽時間同羊媽媽返鄉下行都係好事,捱o左咁耐,o衣o家係時候多休息周圍行喇.
我o個時都成日同爸媽講,趁甩得身同行得走得,就多啲去旅行,但唔好成日只去中國大陸,去吓唔同地方,睇吓唔同國家o既風土人情.
讚讚
May-媽的留言越來越深藏不露。
讚讚
大哥可以故地重遊呀。
讚讚
係就係，但去外國，我地又唔識講佢地D話。
讚讚
依家去外國，唔駛識講佢地D話都OK架, 跟團有領隊, 各地又有華人, 我亞媽在外國十多年, 成日出街, 到今天依然唔識講佢地D話。
讚讚
跟團嘛.
我爸媽夠唔識講英文咯,當年我迫佢o地跟團去星馬,雖然都唔係話好遠,但都好多人識講/聽廣東話同國語.
遇著真係唔識o既,咪唔買o野或問第二啲人囉.
跟團唔使太擔心呢啲o野o架.
讚讚
謝謝May-媽！等我地諗諗先。
讚讚
係嘅，有時間去玩玩都好。
讚讚