親愛的女兒：
你好！
今天是2010年10月10日，有人說，這是百年一遇的好日子。
不管什麼日子，有檔開，有生意做，就是爸爸的好日子。
今天有不少人在文化中心登記結婚，然後他們會到爸爸檔口前的藝術館拍照留念，倒是帶給爸爸一些生意，令到爸爸在這樣的雨天，也能做到八百多元。比起以往雨天只能做得三、五百元，算是很好的了。
網友CC也在今天舉行證婚禮，地點就在爸爸擺檔附近的海港城，她邀請爸爸觀禮。可惜爸爸今天只得自己一人看檔，沒法行得開，心中不免深感遺憾。
爸爸從不相信好日子、風水之說。但爸爸今天生意好，也就算是爸爸的好日子了。
祝你每天都開開心
心！
你的爸爸：老羊狼一世
2010年10月10日21時00分於香港
凝望 
h我們那一代人大多數不相信這些,可是有時也得順應潮流,侄女也是選擇這一天結婚宴會.
讚讚
哈,我猜到CC尋日結婚呢.
不過尋日又真係好難得o既,十全十美再加一個十,而且係星期日.
讚讚
哈，撇開是否好日子不說，揀這天結婚，一定不會忘記結婚紀念日倒是真的。
讚讚
咁點解你同雷娃又唔揀嗰日呀？
讚讚
婚唔係話結就結o既.
讚讚
邊個話唔得呀？當年羊爸爸和羊媽就係話結就結呢。
讚讚
咁羊爸爸羊媽媽真係潮人喎.
讚讚
好潮咩!我有d同學仔話離婚就離啦,仲開心過結婚個時!!!
讚讚
慧瑩唔好笑我地啦。
讚讚
好似好好玩咁喎.
讚讚
我唔係笑你o地啊,好啦好啦,羊爸羊媽唔係潮人,唔好好似oliken o既同學仔就得喇.
讚讚
小羊的爸爸，唔洗有什麼遺憾呀,我地出年5月擺酒一定預埋你架…hehe!
因為之前忙於攪證婚的事,婚後又忙於工作,所以沒有時間update自己個blog,剛剛才寫了一些,不過相就要去facebook睇啦
讚讚
等到今日先學oliken o既同學仔？遲晒囉。
讚讚
好，再次謝謝CC邀請。
我剛去你嘅blog睇咗，D相影得好靚。睇到你同KY咁幸福，羊爸爸很開心。
讚讚
你唔係想離婚啊?
讚讚
我地都冇結過婚，點離呀？
讚讚
都係多謝小羊的爸爸去年的鼓勵和安慰,CCKY先可以再次在一起
讚讚
CC客氣了，這是你和ky的緣份，羊爸爸冇為你們做過什麼。
讚讚
嘩!咁你重唔認係潮人一族?
你o地更加應該o係10月10日註冊啦,唔怕唔怕,出年11月11日都好,代表一生一世,你諗諗佢.
讚讚
..啊…羊爸爸沒結過婚???讚成慧瑩的提議..出年11月11日是好日子呀,羊爸爸和羊媽媽可以補辦結婚啦….羊媽媽穿上婚紗一定美極了!!!
讚讚
恭喜 CC 和 KY 祝婚姻美滿幸福!!!
讚讚
我地邊仲有一生一世，我地只剩下半生半世。
讚讚
我都想，但羊媽唔騷我。
讚讚
代佢地謝謝你！希望佢地睇到你這個留言啦。
讚讚