親愛的女兒：
你好！
爸爸今晚給網友頒獎，獎品就是爸爸煮的晚飯。
8月1日，爸爸出了一道題給網友們猜，猜中有獎，獎品便是今晚來我們家吃飯。
結果有三位網友猜中，可惜只得oliken有空來吃，他還帶了二位他的「保鏢」來。
還有威林是幾個月前約好的，才不讓今晚的場面過於冷清。
今晚的湯和菜式是：鷓鴣豬脷煲园肉湯，清蒸清遠走地雞，清蒸桂花魚，白灼蝦，炆豬脷，雞油灼菜心，雞雜炒三色椒，蕃茄牛肉滑蛋，雞汁煮南瓜。還有飯前小食之故鄉特產蘇屋蕃薯和飯後甜品之故鄉著名金九月餅。
你媽吃得開心，忍不住開了一瓶紅酒來助興。
眾人不負爸爸所望，湯和各道菜都幾乎被殲滅。
酒足飯飽，大家圍坐一起聊天，很夜才散去。爸爸暫時忘卻了這幾天的煎熬，渡過了一個愉快的晚上。
祝你每天都開開心心！
你的爸爸：老羊狼一世
2010年08月28日22時22分於香港
凝望 
呵呵, 估唔中都俾個安慰獎啦…食餸尾!
見吓好好玩嘅oliken都好吖.
讚讚
我很有興趣知道oliken的兩位「保鏢」是誰，羊爸爸方便透露嗎？
讚讚
哈哈,羊爸爸,又係我啦:)
睇到你話今晚好開心,我都替你開心~
老套卻真心說一句:祝你笑口常開=D
讚讚
嘩!八餸一湯,幾乎食晒都已經好犀利啦,羊爸手勢一流呀!
唔知Oliken o個兩位保鏢有冇盡得佢o既真傳咁攪笑呢?
讚讚
真係開心喇！見到菜式名，又想起羊爸爸的好手藝～
讚讚
終於可以一嘗羊爸爸的靚菜、靚湯，非常好味！還要多謝羊媽媽的款待，多謝多謝！
讚讚
其實我是一位斯文大方有禮嘅中年男士，只不過近十多年來跟得兩個保鏢多學壞佐，把口變得口多多一點吧！
讚讚
哇哈哈))))))))咁你咪要多謝你對活寶貝,令你o既家庭更開心.
讚讚
謝謝羊爸媽的熱情招待.
讚讚
其實May-媽就係其中一位中獎者，May-媽有時好大頭蝦，玩完遊戲又唔睇結果。你翻下啲舊六合彩飛嚟睇下啦，可能中咗幾次頭獎你都唔知呢。
你去睇睇，我邀請過架：呀：http://contact_ching.mysinablog.com/index.php?op=ViewArticle&articleId=2532007
讚讚
佢對「保鏢」好精靈，羊爸爸愛上咗佢地嘞。
讚讚
謝謝你呀！我都一樣祝你身體健康！
另一方面更祝願死者安息，傷者早日康復，活著的人堅強面對。
讚讚
你又唔嚟？
佢對保鏢好文靜，冇佢咁鬼馬。
讚讚
Daphne都好耐冇嚟過嘞。
讚讚
oliken唔好客氣，得閑隨時可再嚟。
我謝謝你的雞精就真，下次上嚟記得乜都唔好買。
讚讚
威林不要客氣，得閑再嚟過。
讚讚
我唔舒服嘛,一陣傳染o左畀佢兩個保鑣就敝啦.哦?!咁Oliken又管教得幾好喎.
讚讚
下次請你的時候，可不要再推。次次都畀人拒絕，嗰種滋味唔好受。
讚讚
羊爸爸好惡呀!
讚讚
咁就叫惡？仲未打你屁股呢。哈哈！
讚讚
呢d唔係你做,係人地老公做,咪亂尼!!!
讚讚
爸爸打女有乜出奇呀！
我成日都係咁打我Ｄ女兒架啦。
讚讚
讚讚
細細個嗰時，打得最多嘅就係你，如家諗番轉頭，甚感歉疚。
讚讚
好感動啊, 我D 眼淚爭D流了出來!阿銀有回報了, 老豆SAY…甚感歉疚, 唔係好多人做到架, 阿銀要呵番老豆, 給他一個HUG 呀 🙂
讚讚
May-媽可是個感情豐富的人呢。
讚讚