親愛的女兒：
你好！
我們住的邨中有一平價菜檔，每斤菜的售價只是其它菜檔價錢的一半以下。
每逢這個菜檔一開，總是圍滿了搶購的師奶。
有時貪平，爸爸也會走去搶上一份。
有一次，人太多，爸爸不小心碰了一位師奶一下。
那師奶擰轉頭對爸爸說：你非禮我？爸爸看著那女人令人想作嘔的相貌，有點不知所措地辨解：唔係呀，係有人撞到我，我才不小心碰了你一下。對唔住。
旁邊幾位師奶都詫異地望著爸爸。
菜檔的女檔主對那師奶說：「人地個老婆都不知靚過你幾多倍，佢又怎會非禮你呀？李生唔係呢種人，你唔好喺道搞亂檔。」
幾個師奶也跟著搭口：佢係非禮你，都唔會非禮你個背脊啦！
那女人這才默不作聲，買完菜走開了。
說老實話，你媽後生那時，真是個美女，要不，她也不會最後做了你媽。
祝你每天都開開心心！
你的爸爸：老羊狼一世
2010年08月12日20時53分於香港
凝望 
咦!個幾位師奶同女檔主都好幫你解圍喎!有無問人攞低電話日後續一拜訪多謝呀!
讚讚
只係幫句口，唔駛續一拜訪多謝啩。
讚讚
所以話羊爸爸又有眼光, 本事, 娶得美人歸:))
讚讚
有冇話畀羊媽媽知?佢一定好甜蜜呢.
o個幾個師奶都講得好攪笑啊.
讚讚
邊係呀，姻緣天注定，有冇本事結局都一樣。
讚讚
有講佢聽呀，唔知佢有冇甜蜜，佢冇講。
讚讚
呢件事證明
1. 羊爸爸人品和人緣都非常好
2. 羊媽媽係靚女，全村都知
3. 羊爸爸羊媽媽係一對人人都羨慕的佳偶
讚讚
謝謝Daphne讚賞，但事實不一定如你所說呢。
讚讚