資深感化官質疑感化報告

沒過往病歷，只憑一張爛鬼医生証明，就話佢精神病，係唔係太兒戲呢？

如果佢係窮人，或示威人士，法庭會唔會接受咁樣一張醫生証明？

法官包致金姪女 Amina三度襲警均獲輕判，全城震怒。有資深感化官質疑原審裁判官阮偉明沒將 Amina還柙取精神報告，程序失當，又指負責撰寫感化報告的同事，未必能克盡本份，「小小一個感化官，邊有能力監管咁有勢力嘅人？佢甚至可能啱啱大學畢業出嚟」。

慣例不受私家醫生精神報告

該名資深感化官昨對本報說，聲稱有躁鬱症的 Amina一再襲警，顯示她過往的精神治療無效，「可能佢冇嘗試處理自己嘅精神問題」。他指，法庭慣例是不接受私家精神醫生所撰寫的報告，一般會將被告還押小欖精神病治療中心，索取兩份政府精神醫生報告，但裁判官僅參考辯方提供的私家精神醫生報告便了事。
該名資深感化官又質疑感化報告內容，「 Amina接二連三襲警，顯示佢敵視執法人員，感化官一般唔會建議感化」。他又指， Amina受酒精影響或精神病發作時，會有暴力傾向，感化報告不應說她無暴力傾向。
對
於
Amina要求離港赴美國接受精神治療三個月，該名資深感化官更大感奇怪：「感化令規定佢要按感化官指示，喺指定嘅地方居住同工作；佢離開三個月，感化令
有乜可能執行？」該名資深感化官更透露，負責撰寫感化報告的同事經驗淺，職級只屬助理社會工作主任，「小小一個感化官，邊有能力監管咁有勢力嘅人？佢甚至
可能啱啱大學畢業出嚟」。
蘋果日報記者