親愛的女兒：
你好！
你媽昨天清晨5時多起床，拿完貨回到小店執貨，一直忙到今天凌晨0時多才回到家中。她連續工作了17小時，今朝8時多又起身忙起來。
都幾十歲人了，家中又不等她的錢用。爸爸真不明白佢咁辛苦為乜。
人家去拿貨，總是第二天才寄運回港。她就自己搬回來，當晚已執拾好。
爸爸擔心她有朝一日萬一捱壞了身子，那可就麻煩了。
但爸爸沒法勸得她聽，因為她是個工作狂。
你有空回家，幫爸爸勸勸她吧！
祝你每天都開開心心！
你的爸爸：老羊狼一世
2010年07月12日20時05分於香港
凝望 
你咪又係一樣! 50步笑百步!
讚讚
亂噏，我依家已好注意作息同健康架嘞。
讚讚
到了这个年龄，系应该生活同健康第一，工作第二了，羊伯伯真系要好好同羊妈妈做下思想工作啊~~~
讚讚
哈哈,你兩父女真係有趣.
羊爸爸,亞銀都係錫你,你同羊媽媽都要好好愛鍚身子啊.
不過我都好欽佩羊媽媽,但亦希望羊媽媽要有充足o既作息時間,等到真係太攰太攰至休息就太遲o架喇.
讚讚
放心啦羊爸爸…
羊媽媽面對的貨都是靚衫又怎會累呢,連夜執貨又可順便替自己選幾件新款率先穿靚衫,何樂而不為..呵呵…
如果羊媽媽的貨是機器又或是零件才會累壞人啦…
讚讚
呵呵！steven711，如果我能勸服羊媽媽，她就不是羊媽媽了。
順便在此祝你生日快樂！
讚讚
慧瑩得閑去舖頭幫我勸下佢。
讚讚
哈哈！冰淚咁講都得？
讚讚
小羊的媽媽唔好捱壞身體呀,要休息多D
讚讚
算命佬話佢生成一條牛命，冇人話得佢聽。
讚讚
唉!我係屬牛喎!等我勸下佢,羊媽實聽得懂我的說話!
讚讚
呵呵！牛同牛講，佢梗識聽啦。但佢識聽唔代表肯聽喎。
讚讚
哇,屬牛好硬頸個喎,oliken遇上羊媽媽,今次兩隻牛互踫……羊媽媽聽話啦,乖乖地唔好咁捱法啦.
讚讚
謝謝慧瑩幫手勸佢。
讚讚