親愛的女兒：
你好！
網友A說要跟爸爸學做菜。誠意難卻，於是爸爸收了個徒弟。
今天上第一堂，爸爸教她煮清蒸白切雞，豉汁蒸盲鰽，蕃茄免治豬肉炒滑蛋，雞油灼菜心，炒雞雜和野山雞煲花生湯。
帶著這個徒弟到街市賣回所有材料，用了一個下午，在徒弟雞手鴨腳的忙亂中，終於煮好這五菜一湯。
我們坐下來，一起慢慢品嚐這第一頓，由師徙聯手泡制的晚餐。還好，水準不錯。美中不足的是今天雞檔沒有走地雞。買回來的龍江雞遠沒有走地雞好味。
有個徒弟陪爸爸吃晚飯，爸爸吃得很飽，很開心。
祝你每天都開開心心！
你的爸爸：老羊狼一世
2010年06月04日21時03分於香港
凝望 
嗶…第一堂就學了五菜一湯,並且水準不錯,呢位網友咁幸運可以做羊爸爸徒弟,加油呵…
讚讚
好！謝謝冰淚！
讚讚
羊狼的爸：他或她都好幸運呵！能有你這個脾氣又好又有愛心的師父！真想知道是邊個網友咁幸福！
讚讚
我已經猜到這位幸運的網友是誰，八成中！哈哈……..
讚讚
咦?!到底係邊個呢?咁第時去羊爸屋企食飯,就有人幫羊爸手,羊爸就唔會咁忙啦.
讚讚
嚴禁黑箱作業，提高透明度，強烈要求公開收徒弟的條件！
讚讚
大姐畀我呃倒嘞，我脾氣好差架。
等佢肯公開身份嗰時，我就話你知啦。
讚讚
冰淚猜不到的，她很在此地出現。
讚讚
唔話你知住。
如果佢肯同你地見面就係。
讚讚
無條件。
讚讚
羊狼的爸：你以為我真是容易受人呃？你脾氣唔好怎能教小朋友玩你的制成品；降落傘。
讚讚
嘻嘻，大姐，教小朋友是為了搵食，要抓頸就命，又點同呢？
讚讚