親愛的女兒：
你好！
今朝吃早餐的時候，你媽忽然對爸爸說，我們到工展會走走吧。
你媽每天都沉迷在她的小店裡，已經很久沒和她一起外出了，對上一次與你媽一起出外走走，是去年七月，由網友慧瑩安排的深圳華僑城二天遊。難得她今天有這個興趣，爸爸便答，好吧！
往年，爸爸都有三幾個朋友在工展會開檔，今年，就只剩得亞圓一個人了。關於亞圓的故事，爸爸曾在過去給你的信中提及過，不知你還記得沒有。
到了工展會，爸爸讓你媽在大門口等一下，自己跑進去找亞圓要了二張門票贈卷，再回來與你媽享受免費入場，省下20元，等會進去買二個蛋撻王吃。
工展會裡像往年一樣，到處人頭湧湧，每個攤檔都生意興隆。
爸爸與你媽慢慢走着，看見喜歡的東西就買些，很快就裝滿了一個大環保袋。
到了將近下午二時，你媽心裡記掛着她的小店，要回去開舖，我們便離開了。
不知下一次與你媽出遊，又會是甚麼時候呢？是去年七月，由網友慧瑩安排的深圳華僑城二天遊。
祝你每天都開開心心！
你的爸爸：老羊狼一世
2009
年12月17日20：41於香港
更正：內文中「是去年七月，由網友慧瑩安排的深圳華僑城二天遊。」應為今年七月。謝謝慧瑩指正。
凝望 
喂喂喂!你可以每朝早叫埋羊媽媽一齊跑步,跟住食早餐撐檯腳呢!
讚讚
佢每日早出半夜歸，邊有咁好閑情吖。
讚讚
羊爸爸,東部華僑城之旅係今年o既事,唔係舊年咁耐啊.
難得羊媽媽咁好閒情扯羊爸爸去行街街,羊爸爸有冇擔心啲人除o左買o野外,就係成日(目及)羊媽媽呢個靚女呢?
只要o係平日抽啲啲時間出o黎行吓,我諗問題唔大呢.
讚讚
羊爸爸的時間真抵用, 一件當兩年用, 一寸一寸白金羊爸爸不知幾精靈, 我諗…是寫錯字吧了.
讚讚
係喎，明明係今年嘅事，點解會記咗去舊年嘅？真係壞咗個腦嘞。
羊媽媽亞婆一個，邊會有人望吖。慧瑩就唔同嘞。
讚讚
唔係寫錯字，真係壞咗腦。
讚讚
你條友仔，竟然係大廷廣眾話自己太太係阿婆，離晒大普！！我懷疑你個腦同電腦有聯繫，你都係快D攞部野去揾人整整啦！！！
讚讚
人腦也有得整個咩？咁攞去邊道整呀？
讚讚
中南海!成個腦換晒,全新一樣,返尼講說話都唔同D!
讚讚
哈哈！我啱啱係香港換咗冇耐，又返去換過？豈不是攞嚟煩？
讚讚
oliken 跟羊爸爸真老友(你條友仔..,咁嘅暱稱),他想你成人上人, 點條好路俾你行,由左換右, 20年再右換左, 再20年左換中, 一生人, 左中右, 齊哂!
讚讚
唔換嘞，換嚟換去，好麻煩。
讚讚
oliken 跟羊爸爸真老友(你條友仔..,咁嘅暱稱),他想你成人上人, 點條好路俾你行,
由左換右, 20年再右換左, 再20年左換中, 一生人, 左中右, 齊哂!
我係公司部門不論男女同事都係用"你條友仔"稱呼對方,習慣了改不掉!羊爸爸跟我吾只老友呀早前仲叫埋我做細佬*添呀攞晒平宜啦!佢把口好店呀吾好得罪佢呀!!!
*(慢慢挨啦！細佬。如果要幫手，就揾羊爸爸吧！)
讚讚
oliken真好記性，羊爸爸N年前說過的話，你都仲記得。
讚讚