親愛的女兒：
你好！
今天一早，連續重復六、七次，都沒法將電腦打開，爸爸以為今次這部電腦一定是壽終正寢了。
這個年代，沒有一部電腦，日子真的不知怎麼過。
爸爸坐在這部似乎已經死去的電腦旁，心裡囉囉攣。爸爸又再開一次，依然是開不到，這部電腦好像在扭計，故意跟爸爸過不去，氣得爸爸狠狠地打了它幾巴掌，打得爸爸的手發痛。
打完之後，爸爸再開，這次，電腦變得很乖，終於有畫面顯示，部電腦復活了，爸爸高興得跳起來。
原來電腦也怕打。
小時候，爸爸經常被你爺爺打，爸爸也很怕，所以沒有學壞。長大後，雖然沒有甚麼出息，但總算做了一個堂堂正正的人。
現在的小孩子不行，被爸爸媽媽、老師打二下子，就懂得去報警。我們祖祖輩遺留下來「棒下出孝子」的傳統觀念，已沒有人再記得起。
因此，現代年輕人大多都很脆弱，常常經受不起人類世界裡的大風大浪。這是一件令人擔憂的事情。
祝你每天都開開心心！
你的爸爸：老羊狼一世
2009年12月09日22：00於香港
凝望 
羊爸爸, 電腦感受到你的怒氣, 不敢再偷懶, 您果然利害!!!
讚讚
首先同小羊爸爸說聲問好先！我好耐無來探小羊爸爸啦，唔知小羊爸爸你近來好嗎？同埋生意好唔好呢？
另小羊爸爸開檔時記緊穿夠衣服呀！因為天氣已經轉冷，小羊爸爸要著多啲衫，小心身子呀！
如果今時今日沒有電腦的日子簡直就是痛苦加折磨！其實現今的人，電腦已經是生活裡不能決少的，因為電腦可以讓我們不用出門就能知天下事。不知道現在的人有沒有想過這樣的問題，如果有一天我沒有了電腦，會該怎麼辦呢？
小羊爸爸好厲害呀！看見小羊爸爸拍打電腦令它乖乖復活，令我想起細個時爸爸買的黑白電視，當電視有雪花甚至接收得很差時，爸爸就會拍打電視機幾下，很奇怪？當拍打完之後畫面又回復番清楚喎！而家想番都幾得意！
讚讚
哈,羊爸爸,我今朝發現屋企部暖爐壞o左,打幾吓都唔會好返,你幾時o黎幫我教訓佢呀?鬼咩,o衣o家香港人都奉行o左中國o既一孩政策,小朋友集萬千寵愛於一身,重唔脆弱咩?而且有時虐待o既定義又冇準則,警察唯有幫細路啦.
讚讚
哈哈！係囉，唔發火，佢當我病貓喎。
讚讚
非常感謝藍秋哥哥的關心，近日我各方面都好，生意也好。
真係諗極都唔明，點解D電器都怕畀人打。
讚讚
咁熱天時你仲用暖爐？唔使打嘞，掉咗佢啦。
所以依家D人咪好容易失敗囉。
讚讚
打得咁開心！電腦報仇五年未晚也，睇準時機隋時遠走高飛，小心各下的重要檔案資料ah!
讚讚
點解電器怕畀人打？拍打完會好返？
因為好多時一些小毛病小失靈係因為電器裡面的線路或零件（金屬）接觸不良，例如接觸位置變鬆或潮濕氣候引致，拍打可令其跳動移回正常接觸位置，便能重新運作正常。
不過拍打當然唔係萬試萬靈啦，屋企小朋友千祈唔好亂咁拍打電器呀！
讚讚
如果香港一些話事的人也能被羊兄你打醒就好了.
讚讚
唔係我o地要用,而係啲衫,呢幾日天氣潮濕,好多衫都唔乾,所以咪想用暖爐烘乾佢囉.
讚讚
係就好呀，如果部電腦仲挨得五年，那真要謝天謝地了。
讚讚
大哥真會說笑，小弟那有這個本事。
讚讚
哦，原來要嚟烘衫。
但Daphne 老師話：「不過拍打當然唔係萬試萬靈。」個喎。
讚讚
又老師學生？羊爸爸您好煩呀！
電器都唔係ｄ咩咁神奇o野o者，我識少少又扮到代表咯。
慧瑩個暖爐係咪油壓式？發熱線式暖爐唔好用來烘衫，小心燒著呀。
讚讚
人老咗係咁嘅嘞，再過幾年仲煩呀。
人老心不老,再過幾年成個細路仔咁,攬住降落傘四圍走無時停,煩死羊媽媽嘞!
讚讚
Daphne請放心,我一定唔會用o個種o黎烘衫,我o地係用吹熱風出o黎o個種,而且我會不時翻轉啲衫.
讚讚
oliken的想像力真係好豐富。
讚讚