親愛的女兒：
你好！
今晚網友威林又來我們家吃飯。爸爸特地到紅磡街市相熱的雞檔買了一隻特區走地雞，為他準備一頓豐盛的晚餐。
爸爸今晚煮了四菜一湯，計有白切特區走地雞，清蒸桂魚，雞雜炒青椒，雞油灼菜心和西施骨煲螺片湯。
開飯了，爸爸、威林和小妹都忍不住大快朵頤。這隻特區走地雞果然不負所望，吃起來與湛江走地雞不相伯仲，只是肉質比湛江走地雞鬆了些。威林大讚餸菜好味，感嘆平時難得一吃。
爸爸問威林平時吃些甚麼，他說一般都是叉燒飯公仔麵之類，喝的是汽水。這些在爸爸眼中全是垃圾食物。經常吃這些東西，對爸爸來說是不可思議的。
還望威林日後少吃些垃圾食物，多些來我們家作客吧。
祝你每天都開開心心！
你的爸爸：老羊狼一世
2009年10月14日20：28於香港
今晚威林還帶來網友白色冰淚的問候，在此謝謝白色冰淚！
凝望 
估唔到特區走地雞竟然同湛江走地雞有得揮！
讚讚
係呀，好想打電話請你來一起吃，又怕煩住你。
星期六可以回來吃嗎？
讚讚
阿威林係唔係恩人？咁好招呼嘅！有無D故仔聽下呢？
讚讚
威林好似你咁，係喺呢喥結識的網友，冇故仔聽。
如果你有興趣，歡迎你一家前來作客。
讚讚
點會怕煩住呢，我驚我成日好夜都未放工，要您地餓住等我唔好意思就真！
今個星期六有D事唔得閒呀。不如約下個星期o丫，叫埋慧瑩同雷娃，幫雷娃慶祝埋生日！
讚讚
食窮你呀！嘩！3456驗證碼！！！靚冧把！
讚讚
威林不是恩人, 是傻人一個, 哈哈!
讚讚
好呀，你們約好時間，話比羊爸知就得嘞。
讚讚
傻啦，點會咁易食窮羊爸爸呀？你安心放肚過來吧。
讚讚
威林好精靈，不是傻人。
讚讚
有無我咁傻!我請你食燒鵝!
讚讚
第日話你知.
讚讚
哈姆呢排要趕功課,今日都係公仔麵加zero可樂. 我都講過,羊爸爸除左可以買降落傘,做私房菜都得呢!
讚讚
有燒鵝食，我就有你咁傻。
讚讚
仲等第日？依家就話佢知，我地都好似佢咁傻，齊齊去佢喥食燒鵝囉。
讚讚
羊爸爸見哈姆捱得咁辛苦，好心痛。羊媽話等你冇咁忙，上嚟食餐飯。
讚讚
咁’橋’,我尋日請雷娃o係銀湖車站買你介紹o個隻湛江走地雞,但佢老闆介紹佢去八卦嶺o個邊買,唔知係咪正宗,但肉就結實啲,不過我覺得冇乜雞味.
不過,乜特區都有走地雞咩? @.@"
讚讚
Hi ! 大家好！看來網友們都隨時有機會到羊爸爸的家吃頓飯，而我只有流口水的份兒，嗚嗚．．．
羊爸爸的廚藝一流，難怪威林昨晚飽到不能動了，呵呵．．．在此謝謝威林幫我把問候帶給羊爸爸。
讚讚
特區走地雞嗰名係雞檔老板改嘅，佢話特區係指深圳喎。
八卦嶺嗰邊買嘅湛江走地雞我未試過。銀湖車站嗰邊賣60元人民幣一隻。每隻重不過二斤。
因為湛江走地雞唔係即劏的，鮮味略差。
讚讚
冰淚好！
冰淚唔使流口水兼嗚嗚．．．，你抽時間嚟香港玩玩就能吃到啦。
讚讚
Re: 白色冰淚
不用客氣.
在此謝謝羊爸的熱情款待.
讚讚
讚讚
威林不要客氣，有空還請常來。
讚讚
好的，紅酒就免了。
但先要雷娃同慧瑩點頭才成事。
讚讚