親愛的女兒：
你好！
昨晚的信寫得太簡單了，爸爸今天要給你寫多一封。
一個星期前，家中厨房的水龍頭壞了，爸爸打電話去管理處，要求派人來修理。不一會，來了二個人，很仔細地檢查完水龍頭壞的地方就走了。
跟着，管理處打電話預約爸爸昨天(12/10)下午二時至四時在家等候維修工人來修理水龍頭。
昨天下午二時多，先來一個後生仔，拿着一個電腦記事簿，在厨房對着壞了的水龍頭不知寫些甚麼，還給水龍頭拍了照片。他臨走對爸爸說，師傅要四點鍾才到。
怎知爸爸一直等到四點半鍾，仍未見師傅的影子。爸爸要趕着買菜煮飯，吃過後到文化中心聽演唱會，不能再等。
剛好小妹放學回家，爸爸吩咐她應門，便出去了。
爸爸未走到街市，小妹已打電話來，說師傅到了，但不知水龍頭壞了哪裡。爸爸聽了，有點生气，叫小妹讓師傅聽電話。爸爸在電話裡告訴師傅水龍頭壞了的地方，師傅聽不明白，說來說去，爸爸不耐煩地對他說﹕〝你地先後有三個人嚟睇過，又影咗相，嘜冇人話你知整邊喥嘅咩？你知道就整，唔知就番去睇相片問清楚先啦。〞師傅答﹕〝咁係咪唔整呀？〞爸爸說﹕〝隨便你。〞師傅放下電話走了。
隔了十多分鐘，有人打電話給爸爸，說是下午來影相的那個人，爸爸很不客气地對他說﹕〝你就係影相嗰條靚仔呀，影咗相又唔話比你個伙記聽整邊喥，約好咗時間又遲大到，你地搞邊科呀？好似呃緊政府啲飯食咁喎。〞對方修鍊有道，一點也不生气，答道：〝佢如家清楚晒嘞，返轉頭同你整，等陣你地開門比佢啦。〞
結果師傅第二次上來，只花幾分鐘就將水龍頭修理好了。
今天下午又有一個外判維修部的人，拿着一張表格來找爸爸，問爸爸對昨天的修理服務滿不滿意？預約的時間準不準？
爸爸不想那個師傅有麻煩，在表格上都剔了滿意、準時，然後簽了名。
那人臨走，爸爸忍不住對他說：你地整咁少嘢，就前後嚟咗五個人，走了五趟，服務雖好，但成本好高喎。
那人笑答﹕冇法啦，政府規定要咁做。
祝你每天都開開心心！
你的爸爸：老羊狼一世
2009年10月13日21：42於香港
凝望 
羊狼的爸：原來房委的維修師父是這樣工作呵！我不知道呢！房協的是一個電話或留言後不久便有人來看察或馬上維修的，就是打風時關不了窗一CALL他們便到來相助的呵！曾有朋友說我住這類屋邨好我不知道好在那裡，現在看來才有分別。謝謝您的分享。
讚讚
政府,唉!
讚讚
大姐：你地管理處的人真好。
我地樓下嗰看更，見到我地就快走過來，只差二、三秒，都唔識按停部電梯等一等。
讚讚
唉!唉!
讚讚
看來私人公司的效率比政府高得多.
讚讚
遲D仲有幾百頁嘅報告書比番你睇！！！
讚讚
大哥說得全對，如果叫樓下水喉佬，佢揹個八寶工具箱上來，唔使五分鐘搞掂，收費最多50元。
讚讚
唔係啩。咪嚇我呀，我唔得閑。
讚讚