親愛的女兒：
你好！
爸爸昨天買回糖尿試紙，經過二天的反復測試，情況還算過得去，尿中糖份含量尚在正常范圍之內。
但正如網友羊May-媽媽留言提醒，爸爸已成為糖尿病高危一族。所以爸爸絕不能掉以輕心。
為了爸爸自己和我們的家人朋友，爸爸要嚴格遵守你五叔的告誡，戒除所有高糖份的食物和每餐只吃半碗飯。
以往爸爸每餐要吃一大碗至二碗飯，現在減到每餐半碗，你媽和小妹又都是不吃飯族。
家中的電飯鍋已用了將近十年，以前我們一家人齊齊整整的時候，大家每餐都吃飯，這個電飯鍋剛好合用。
如今只剩下爸爸每餐吃半碗飯，用這麼大一個電飯鍋煲半碗飯，很麻煩。飯煲好後，連鍋底也鋪不滿，很象從前在鄉下時吃剩的飯焦。那時你嫲嫲總是在鍋中加點水，煲滾了，便變成一碗黑色的飯焦粥。每餐有飯吃的時候，都是等大家吃飽了，你嫲嫲才煲這碗飯焦粥來吃。
為了不用走回頭路，餐餐吃飯焦，看來我們家的大電飯鍋就快要退休了。
祝你每天都開開心心！
你的爸爸：老羊狼一世
2009年10月09日21：23於香港
凝望 
我屋企都係呀,以前都重有我媽媽o係o度,但o衣o家得我同我爸爸兩個人,應該要換個細啲o既電飯喇.
讚讚
可喜可賀, 暫時唔駛與糖尿結緣 :))
嘩, 你家的電飯煲是什麼牌子, 可用上近十年.
讚讚
我諗煲半碗飯的電飯鍋仲未面世吧。
讚讚
雖然喺咁，仍是不敢大意。
樂聲牌西施鍋。
讚讚
唔怪得啦, 名牌, 但是易潔內胆十年也不花咩?
讚讚
依家有少少花，但仲未痴底。
讚讚
羊狼的爸：在電訊盈科門市有一旅行飯煲像湯壺咁上下細，唔知啱唔啱您的要求。
我和媽媽早就換了6至4人的了！現在每晚都是煮半嘜量杯分兩晚，都因為要有時蒸餸才要這飯煲。
或者您可用蒸飯這方法，在炆煮時，將米和水盛放在一鋼窩內，放在炆煮的菜上面，有時我媽也用鑊來蒸的呢。
讚讚
尿中糖份含量尚在正常范圍之內。 = 恭喜你了.
讚讚
謝謝大姐相告，我有空會去看看的了，越細越好，希望合用吧。
讚讚
呵呵！謝謝小小！再沒甚麼比身體健康更值得人高興的了。
讚讚
恭喜羊爸爸身體正常。
小心注意飲食是應該的，白米飯糖份較高，如果減唔到飯量（有D人唔夠米氣會冇力），可以在白米中混入糙米來煲飯，據說糙米可平衡血糖、防止尿酸過高。實際功效最好請教五叔。
超市或健康食品店舖有糙米賣，比白米貴。我以前試過用2:1份量來煲白米糙米飯，即1份糙米配兩份白米，水要落多三分之一左右，因糙米較硬要吸收多D水（用返您用開的飯煲，試多幾次逐步調校水的份量，先至煮到o岩食的軟硬度），用普通電飯煲就煲到，都幾好味o架。
讚讚
哦，如果係咁就好了，羊爸爸呢幾日餓到成日想食嘢，又唔敢食。
只要對身體健康有利，全吃糙米也沒問題。
讚讚
食唔飽咁淒涼？咁快D問下五叔啦！
讚讚
唔使問喇，我剛剛喺電腦喥打入糙米二字，有好詳細的介紹，你講得冇錯，謝謝你呀！
讚讚
羊爸爸好可憐呀，餓成咁！網上的o野信住先啦，功效同食用份量都係問清楚五叔好D。
讚讚
冇可憐，比從前好得多呢！咁聽日問下五叔也無妨。
夜喇，我瞓喇，你都早啲抖吧！晚安。
讚讚