親愛的女兒：
你好！
昨晚收檔回來，順道到邨中的華潤超市去買些餸菜，回到家中，才發覺漏了三包菜心在購物車上。那是12元三包的菜心，爸爸馬上叫小妹跑去取回，卻是找不到了。
爸爸已不止一次這樣失物了。
爸爸覺得該間超市有點問題，下午再去那裡購物時，專程找到經理說起此事。那知經理竟有點幸災樂禍地說：〝是呀，呢喥啲人好快手，試過有人轉過頭就不見了成包貨物。〞爸爸答：〝你這裡有閉路電視，睇下閉路電視不就清楚了嗎？〞經理說：〝就算睇到閉路電視，報咗警，那三包菜都沒有寫上你的名字，冇佢符嗰喎。〞爸爸聽得有點想發火，但仍是按捺着，平心靜氣地對他說：〝你都幫住個賊講嘢嘅。點解我係嗰邊惠康買嘢，每次漏咗都攞得返。你呢喥就次次都冇咗，我唔信會有人攞走啲咁唔值錢嘅嘢。是否你啲職員攞咗，又或是你地拾番擺係貨架上賣過？〞
經理這才滿臉堆笑地對爸爸說：〝我地絕對唔會咁做。〞爸爸說：〝那你就要開閉路電視睇清楚，還你們一個清白。〞經理連聲答應，并記下爸爸的電話號碼，說有結果就告訴爸爸。
晚飯的時候，經理打電話來說，從閉路電視看到是一個矮小的女人拿走了那三包菜。并說她丈夫是拄拐杖的，全家依靠綜援金生存。那女人每天都在超市留連數小時。
爸爸估計那女人是個職業拾失物者。建議經理出一份通告，溫馨提醒顧客要記着拿走自己購買的貨品。經理表示會接納建議，并一再多謝爸爸。
祝你每天都開開心心！
你的爸爸：老羊狼一世
2009年9月28日21：46於香港
凝望 
如果經理講的是真，那個撿拾別人失物的女人都幾可憐哦！真係畀佢執o左就算了，可能佢的生活好困難。
下次羊爸爸都要小心D唔好咁大頭蝦，如果又試唔見餸，就出o黎食，等我請您啦！
讚讚
是啊，羊爸爸并不打算追究。
等得Daphne來請，怕是吃消夜了。不過都謝謝你咁有心。
讚讚
看見Daphne的留言，心是酸的，不是為那拾失物的女士！而是為何總有像Daphne般的好心人，卻得到不幸的遭遇！也像羊狼的爸又像我那義兄！您們都是同類的。
讚讚
姬子，我邊有您講得咁好，都係向羊爸爸學習咋。
讚讚
咁即日太夜請唔切，就第二日出o黎請返您。
讚讚
「爸爸馬上叫小妹跑去取回」
阿小妹真聽話！如果係我個女，採你都傻！掉番12蚊比你！可能仲會叫我死開！！！
讚讚
一生皆是命，半點不由人。大姐，這是命運的安排。
讚讚
Daphne：你咁講，日後羊爸爸就跌多啲嘢啦。
讚讚
哈哈！oliken你嗰女仲細吖嘛，況且我地那晚要吃菜。
讚讚
聽說街市有職業扒手專偷主婦們的買餸車，他們一直留意那些拉著買餸車的主婦們，等他們買東西付款不為意時，就將整架車仔偷走。如果車仔上有油有米有肉，動輒損失兩三百元…
如果經理說的是真話，那麼羊爸爸只好當自己請人家吃了一頓，下次走前要檢視自己的物品是否齊全，唯有小心一點了。
讚讚
又好。
讚讚
謝謝Karen提醒，羊爸爸日後會小心了。
讚讚
下次你再臨華潤超市購物時, 又再遇矮小的女人, 不妨親自與她溝通, 她在做什麼? 由看看你怎麼處理…
如果她長時間執拾失物, 恐怕令她日後會變本加厲, 變得習慣了…
購物後不要忘記取回東西回家去….
讚讚
呢間超市又係欺善怕惡,好彩羊爸爸發火啫.不過既然人o地靠綜援,就當做多一次善事,雖然佢o地都唔老實.但羊爸爸下次要小心啲,記得攞齊o野至離開啊.
讚讚
從閉路電視睇到對方身形、身邊有咩人都話。
但過對方既背景都講得出……
個經理成日出黎行，成日見到個女人，成日同佢談天，從而得知對方背景……
不過，任何事物都有價值，就算不在你手，落在更有需要的人手上，不是壞事。總好過掉左垃圾箱。
讚讚
其實要試她很容易，買完嘢，故意漏些東西在購物車上，然後找人在遠處觀察，很容易就知真相的。不過咁做冇嘜意義，只是浪費時間罷了。
只怪自己大頭蝦，怪不得人。羊爸爸以後小心些就是。謝謝你！
讚讚
謝謝慧瑩，羊爸爸下次一定會小心喇。
讚讚
相信超市方面很了解周圍的環境人物，只是他們不想做嘢罷了。
清爺說得對，就當送了給她吧！羊爸爸以後小心些便是了。謝謝你！
讚讚
你又在不知不覺地做了一件善事！
〝你都幫住個賊講嘢嘅。點解我係嗰邊惠康買嘢，每次漏咗都攞得返。你呢喥就次次都冇咗，我唔信會有人攞走啲咁唔值錢嘅嘢。是否你啲職員攞咗，又或是你地拾番擺係貨架上賣過？〞
以上內容寫得咁好！你竟然用平心靜氣嘅心態來演繹，真可惜！你應該扯哂火、嬲到爆指住經理黎罵咁就啱嘞、咁就好睇嘞（傍邊D人）！
還有你說華潤超市經理的不是，總是感覺好似鬧埋內地政府某些人似的，好興奮！！！
讚讚
哈哈！人老咗，邊仲有咁好火氣呀。
指桑罵槐？應該係說者無心，聽者有意吧！
讚讚
oliken先生講o野好深奧，我睇唔明啊。
讚讚
你係老師，我係小學生，睇吾明係正常嘅，我D仔女就睇得明嘞！大家都係九吾搭八！
讚讚