親愛的女兒：
你好！
早上10時，爸爸和你媽、小妹如約到客家好棧去和網友們飲茶。這次由Daphne作東，陪伴爸爸的還有TC先生和花想。
TC先生還送了一盒恆香月餅給爸爸。遺憾的是網友慧瑩、雷娃和小明 不能前來。
一眾網友時常抽空陪爸爸，出錢又出力，對爸爸的愛護和關怀，令爸爸感激涕零。
一年多以前，你走的時候，爸爸只是一個孤家寡人。造夢也想不到，今天會有這麼多朋友。
飲完茶，Daphne和花想到你媽的小店去撐場，由於有她們撐場，你媽今天生意大旺，做了二千多元。
Daphne留在你媽的小店幫忙，一直到下午六時多。爸爸為她準備了一頓豐富的晚餐。有豬排骨、貴妃蚌滾勝瓜湯，白切嘉美雞，豉汁蒸帶子，清蒸桂魚，白芍菜心。湯跟鄉下的沙螺湯差不多，嘉美雞售價50多元一斤，雖與湛江走地雞仍差一點，不過就很少肥油，吃起來還算不錯。
吃完飯，用TC先生送的月餅做甜品。Daphne和你媽聊天，坐到現在還未走呢。
祝你每天都開開心心！
你的爸爸：老羊狼一世
2009年9月12日23：00於香港
凝望 
咦?日期變成3009年了!?
讚讚
係喎，又會咁嘅，改番啱喇。無端端活多一千年，哈哈！
謝謝小朋友，日後見到錯處，記得指正呀！
讚讚
我見到你之前的年都變成3009年!
哈!多活一千年,世界會變成怎樣?
讚讚
羊爸爸,尋日我哋嚟唔到幾咁閒呢,來日方長嘛.睇到你呢哋熱鬧都好戥你哋開心啊.開心嘅眼淚可以流,但笑會更美好呢.
讚讚
多謝羊爸爸、羊媽媽、小妹、花想和TC先生賞面。又多謝羊爸爸款待，及羊媽媽送的超靚新衫，好開心呀！
羊媽媽做生意真的很叻，我今天只是幫忙吃生果和吹水，但在旁看羊媽媽如何招待客人，為各界靚女提供扮靚心得，學到唔少o野呢！
讚讚
應該是我多謝羊爸爸和Daphne招呼才是, 又吃又有靚衫買(仲有送, 多謝羊媽媽) : )
跟熱情好客的羊爸爸交朋友, 對於我們網友也是一種福氣啊
讚讚
好好餸呀~
讚讚
“爸爸為她準備了一頓豐富的晚餐。有豬排骨、貴妃蚌滾勝瓜湯，白切嘉美雞，豉汁蒸帶子，清蒸桂魚，白芍菜心。湯跟鄉下的沙螺湯差不多，嘉美雞售價50多元一斤，雖與湛江走地雞仍差一點，不過就很少肥油，吃起來還算不錯。"
又流了一碗口水,最後………
讚讚
花想不客氣。
對啊，羊爸爸和羊媽媽真係好錫我o地，其實"受寵"的是我們才對！
讚讚
再咁食落去，我實著唔落羊媽媽舖頭的靚衫～ >_<
火羽呀，可惜您咁早返o左美國，如果可以和您和花想及羊爸爸一家多相聚幾次，您話幾開心呢！
讚讚
羊爸爸不要客氣，希望再有機會與您們聚餐。這裡再次謝過Daphne請客。
讚讚
蒙先生賞光，是我的榮幸。
讚讚
都改正了，再次謝謝你！
一千年後，大概也就是你的第12世吧，到時你自己看看就知道世界會變成怎樣了。
讚讚
慧瑩不來，怎會是幾咁閒呢？羊爸爸每次都無法請到慧瑩和雷娃，真失敗。
讚讚
Daphne不必客氣，見到Daphne開心，羊爸媽都開心。
謝謝你陪了我們一整天，辛苦晒你。
你拜羊媽媽為師，將來万一無咗份工，開番間小店，也許可以唔洗餓死。
讚讚
花想不要客气，19號再為你送行吃飯。
讚讚
快Ｄ飛返嚟食呀！
讚讚
哈哈！oliken唔洗成日流口水，歡迎你一家得閑上嚟吃。
讚讚
好呀！羊爸爸等着先生。
讚讚
我唔辛苦，羊爸爸先至客氣呀！
將來無o左份工，我都唔驚會餓死o架，因為我會去羊爸爸度黐餐！
我開舖頭反而可能重快餓死！
讚讚
Daphne果然醒目，嚟羊爸爸度黐餐好，沒有風險，開舖頭做生意風險很高，不開也罷，都隨你。
讚讚
其實我最想可以成日請羊爸爸飲茶就真。
讚讚
=.="唔係o掛羊爸爸,上次你咪請o左囉,攪咩?
讚讚
唉！次次請你，你都比錢嘅，變成唔係我請你，係你請我。
我真係好傷心。
讚讚
哇哈哈))))))羊爸爸,咪講到我好似財神咁.
上次你咪請o左我o地食羊(女麻)(女麻)o既壽宴囉.
下次出o黎我就只帶把口o黎吓. 😛
讚讚
，
上次你咪又比咗錢比羊嫲嫲。
咁你記得剌，下次出o黎就只帶把口o黎。
讚讚
唔好客氣！羊爸爸唔使擔心，我會畀心機做o野、儲錢，會有錢請您o地飲茶的。
讚讚
飲餐茶使得幾多o丫，看見您和羊媽媽、小妹吃得開心，我也很開心的。
讚讚
好呀！
讚讚
人生就是有很多造夢也想不到的事情.
女兒走了, 卻帶給你今天會有這麼多朋友, 不讓你因她的離開而變為一個孤家寡人.
有些人卻未必有這際遇, 一生陷在傷痛中.
讚讚
也許這是菁兒的安排吧！
謝謝你星期日的探訪！也謝謝你送的果汁。
讚讚