親愛的女兒：
你好！
今天吃晚飯，爸爸如常吃魚頭，但開始覺得有點吃力了。那是因為爸爸的牙齿正在逐漸减少，對上一次返鄉下，又拔掉一隻蛀壞了的大牙。
少年時的爸爸，如果一餐中有一隻咸魚頭送飯，那就已經是等於我們現在有鮑魚吃一樣了。
來到香港，爸爸擔心你們幾姐妹吃魚頭會哽着，又捨不得將魚頭掉棄，故而每次開飯，只要有魚，爸爸第一時間便將魚頭吃掉了。久而久之，家中吃魚頭就成了爸爸的專利。
上次網友來家中飯聚，雷娃 將爸爸的專利吃掉了，真要謝謝他。
你還記得嗎？你小時候，有一次爸爸問你：爸爸最喜歡吃甚麼？你不假思索地回答：爸爸最愛吃魚頭。爸爸笑着解釋給你聽，你聽完後，臉上露出一絲抱歉的神情。你當時那個表情，直到現在還留在爸爸的腦海中呢。
不久之後，隨着爸爸一天一天的老去，口中的牙齿一隻一隻地剝落，我們家中吃魚頭的傳统，也就應該結束了。
祝你每天都開開心心！
你的爸爸：老羊狼一世
2009年9月9日20：34於香港
凝望 
乜雷娃o個次食o左魚頭咩?我唔記得o添.羊爸爸,我爸爸都好鍾意食魚頭,o個晚食羊(女麻)(女麻)壽宴,佢想食魚頭o架,不過話驚唔好意思喎.羊爸爸o衣o家多啲食返比較有益o既魚肉啦,魚頭唔食都冇所謂喇.
讚讚
乜雷娃o個次食o左魚頭咩?我唔記得o添.
羊爸爸,我爸爸都好鍾意食魚頭,o個晚食羊(女麻)(女麻)壽宴,佢想食魚頭o架,不過話驚唔好意思喎.
羊爸爸o衣o家多啲食返比較有益o既魚肉啦,魚頭唔食都冇所謂喇.
讚讚
小羊爸爸真是個好爸爸,你要努力加油喔!
讚讚
係呀，你問吓娃就記得番喇。
哎呀！你嗰晚又唔講？等我夾比佢食吖嘛。
其實魚頭都一樣有益有營養，只係多骨啫。
讚讚
小朋友過獎喇，很多父母都會咁做嘅。
讚讚
係呀,我夾落口食嘅時候都仲未知道嗰舊係魚頭,一啖就咀落個魚口喥,慧瑩仲笑我同條魚接吻添呀.
讚讚
點解個個爸媽都愛吃魚頭的呢？我媽媽也是十分喜愛的，她吃來是毫不費力的噃！我吃魚就比較「論盡」常會給魚骨刺著，有好幾次都是呼救聖神給我把骨吐出來！真是信不信由您了！
讚讚
係喎,真係唔記得添.
咁以後你咀魚魚啦. 😛
讚讚
係囉,我媽媽都鍾意o架,可能魚頭比較入味,所以好味啲,係極品o黎.
我o地啲細o既就唔識食啦.
嘩!姬子要小心,一係揀可以連骨食o既魚o黎食,應該會安全啲.
讚讚
“爸爸最愛吃魚頭”小時候的小羊好可愛喲～～～
讚讚
哈哈！惠瑩吃醋～～～
讚讚
唉！打錯字了，應該是慧瑩，不是惠瑩。
不知為什麼我總把“慧”同“惠”混亂，請問大家如何分清呢？請大家指教，謝謝。
讚讚
莫名感动…
突然想起我从没想过父母的关爱而有的行动。我想我是个自私的女儿。
讚讚
謝謝你，雷娃！以後多Ｄ上嚟食飯。
讚讚
由此看得出，你爸媽非常疼錫你。
讚讚
係呀！小時候的小羊真的好可愛，她對任何事物都很好奇。
讚讚
你能這樣說，看得出你是個有孝心的女兒，只是你將那份感情埋在心底太久了。
當你做了母親之後，你就不會再自私了。
讚讚
哈哈,呢啲係真心話呢,我冇呷醋o既. 😛
讚讚
考起,.我只知’慧’同’智慧’,’慧根’有關;而呢個’惠’就同’惠顧’有關,但唔知佢真正含意.
羊爸爸,TC,Daphne等,可以解答.
讚讚
慧瑩解得好清楚啦.
我都唔識.我只知道有個地方叫惠州.得閑想去嗰度行吓.有間超市叫惠康！
古時好似有個很出名的人叫柳下惠.
讚讚
媽媽吃魚也是先吃魚頭…
難道原因和羊爸一樣….?!
讚讚
謝謝惠瑩和羊爸爸的解釋，冰淚受教了。還望 TC 先生和 Daphne 再指教呢，謝謝大家！
讚讚
唉！一錯再錯！真係唔好意思，對唔住慧瑩我又再打錯妳個名，以後會好小心留意，原諒呵．．．
讚讚
魚頭好味o架，不過要慢慢小心食，所以o係街食飯就唔方便食囉，如果自己蒸魚，我都會食魚頭o架。
讚讚
細個時電視有個節目叫「每日一字」，我好鍾意睇o架！
好啦，（扮主持人）等我今日同大家講個「慧」字。
「慧」解作聰明才智，例如：「智慧」。左傳‧成公十八年：「周子有兄而無慧，不能辨菽麥。」南朝宋‧劉義慶‧世說新語‧假譎：「唯有一女，甚有姿慧。」形容別人聰敏、敏捷，如「聰慧」、「慧黠」、「慧性」、「秀外慧中」。所以呢個「慧」字係好適合聰明美麗可愛的慧瑩作為名字o既。
至於「惠」呢，廣東話是同音的，亦好多人用來做名字，千祈唔好撈亂喎。呢個字有幾個意思。
1. 恩﹑好處。如：「恩惠」、「略施小惠」、「惠澤他人」。
2. 賜贈﹑贈送。唐‧鄭谷‧宗人惠四藥詩：「宗人忽惠西山藥，四味清新香助茶。」
3. 寵愛。詩經‧邶風‧北風：「惠而好我，攜手同行。」
4. 柔順、和順。晉‧王羲之‧三月三日蘭亭集序：「天朗氣清，惠風和暢。」
5. 請求人時的敬辭。如：「惠存」、「惠顧」、「惠臨」、「惠賜一票」。
6. 姓氏。
（～節目完～）
（以上內容大致上抄自台灣教育部國語辭典http://140.111.34.46/newDict/dict/index.html）
TO: 白色冰淚，記住慧瑩係「手心」（速成碼），唔係「十心」，就唔會打錯啦。
讚讚
謝謝 Daphne 老師給我們上了寶貴的一課！“慧瑩係「手心」”呢句好好記，以後不會再弄錯了，要是再弄錯的話就請慧瑩打我手掌心啦，哈哈！！
讚讚
謝謝Daphne老師！容在下稍作補充。
慧瑩、白色冰淚，您們好！
(惠)有多個解釋和用法，Daphne老師已詳細說明；(慧)今人多作「聰明」解。
(慧)與(惠)同屬「心」部。剛查勘完辭書，原來(惠)字在古時是可通(慧)的。亦即白色冰淚如果早出生1000年，便沒有寫錯字了。
「(惠)者知其不可兩守，乃取一焉」—-《管子·宙合》；「巧文辯(惠)則賢」——《國語·晉語九》。這裡的(惠)，都是解作「聰明、智巧」。
讚讚
羊爸爸,你玩o野?
讚讚
哈,我冇智慧,所以唔當你打錯字.
讚讚
謝謝TC o既解釋.
馬後炮:我之前都覺得以前呢兩個未係相通,事實上,好多字都係,只係後來因一個字揹得太多含意,所以要做多一個字.
讚讚
哈,我冇智慧,所以唔當你打錯字.
慧瑩妳唔當我打錯，咁妳當我係出生早1000年既古人啦，哈哈哈！！
讚讚
謝謝 TC 老師，學生受教了。
讚讚
九成九是同一原因。
讚讚
下次醒個魚頭比你。
讚讚
哈,唔緊要,因為我重大你1000年.
讚讚
唔係呀！
讚讚
多謝TC老師。
讚讚
謝謝誇獎！（我都係抄書咋喎！）
不過我冇誤導人o地喎，您問下雷娃我講得o岩唔o岩？
讚讚
白色冰淚不客氣！係呀，慧瑩咁可愛o既女仔，係要捧o係"手心"o架！咁樣記住就實冇錯喇！
讚讚
多謝羊爸爸先，不過我會食得好論盡好失禮，咁就一D都唔"靚女"o架啦。
讚讚
重話唔係?明明識都話唔識,收收埋埋.
讚讚
哈,敝在我連搵都唔搵呢.雷娃就唔計啦,你要問啲好老實好老實o既人至得o架.
讚讚
我的牙齒也開始鬆了,爛了,羊兄,歲月不饒人.
讚讚
事先聲明:
你係咁催眠佢,第時佢見到覺得唔對辦就搵你算帳,就唔關我事o架喇.
讚讚
咁就都係羊爸爸食番啦！
讚讚
我諗羊爸爸o衣o家睇同回留言都攪到暈陀陀lu,咁我唔玩住喇.早抖.
讚讚
边係啫，我有嘜都蘇晒出嚟啦！
讚讚
您貴人事忙o丫嘛！呢D濕碎o野交畀我呢D"o靚"去做咪得囉！
乜雷娃好唔老實o既咩？
讚讚
大哥：真有點悲哀，日子過得太快了，有機會要好好享受吓。
讚讚