親愛的女兒：
你好！
今天晚上，網友 雷娃、慧瑩、Daphne、花想，還有小明，又來我們家作客。你大家姐也回家吃晚飯。家中變得非常熱鬧。
爸爸煲了一大鍋白鰂魚、豬脊骨加木瓜湯，和煮了幾個家常拿手小菜款待大家。看着滿桌餸菜給大家掃光，爸爸知道自己的厨藝仍可保持水準。
說起這個白鰂魚、豬脊骨加木瓜湯，那是幾十年前，爸爸在農場時，一個廣州知青教爸爸弄的。那時候，農場附近水稻田的排水溝裡，滿是一隻手指大小，美麗好看的熱帶魚。只要用糞箕一撈，就可撈起一斤幾両的魚。
當地農民不吃那种魚。廣州知青卻很懂得弄吃的，他們常常撈回那些小魚，加一個半生不熟的木瓜，煲出一鍋奶白色，鮮甜味美的湯。他們每次煲好後，總會請爸爸喝一、二碗。打那之後，爸爸就學會了煲鮮魚木瓜湯。
今天，爸爸再加豬脊骨一起煲，味道就當然更加濃郁鮮甜了。
飯後甜品是Daphne 帶來的蛋糕。
吃飽了，我們一起去旺角唱卡拉ok
祝你每天都開開心心！
你的爸爸：老羊狼一世
2009年9月4日23時50分
凝望 
看見羊爸爸與眾網友開懷歡聚，飯後又去卡拉OK盡興；在下也為您們感到開心。祝您們每天都開開心心！
讚讚
鮮魚做底, 那鍋湯一定很清甜. 可惜我到現在都不敢試煲魚湯~
讚讚
下次試自己煲白鰂魚豬脊骨加木瓜湯帘希望會像羊爸煲得一樣好味。
讚讚
中學時，經常一班人去郊外的河流撈鰂魚的，但我都只是陪着玩，不會把魚帶回家。因爲，那河很髒，我才不敢吃裏面的魚:P
讚讚
尋晚真係好熱鬧,個個都o係o度攪爛gag,笑死.不過我o地空手而來,真係好唔好意思.多謝羊爸爸又煲一隻我從未飲過o既靚湯,啲木瓜都變埋甜品o既一份子.重有羊爸爸,我想話你知,我都鍾意食湯渣,下次可以勻埋啲湯渣出o黎畀我做餸o架.下次你唔好又咁早走啦.花想妹妹都好鬼死單純可愛,有趣有趣.
讚讚
如果有一天能宴請到先生，那將是羊爸爸的荣幸。不知先生可肯償面否？
讚讚
不要緊，等下次你回來，羊爸爸煲給你飲。
讚讚
好呀！記得加幾片薑。
讚讚
想不到嚴明也有這种經歷。
我們那個年代有得吃已很好，顧不得那麼多。
讚讚
個個都帶咗二梳蕉來，不是空手而來。
好！
讚讚
流了成碗口水，最後自己飲番！
讚讚
謝謝羊爸爸、羊姐姐、羊妹妹、雷娃、慧瑩、花想、小明，很開心啊！羊爸爸煲的湯非常好飲，我飲了五碗！菜餚也十分好味，吃得好飽！羊爸爸辛苦了，晚上也許太累狀態不好，稍後我們再去玩過。趁花想未啟程前，我們可以再聚嗎？吃了羊爸爸幾頓飯，也該輪到我請大家飲茶了。
讚讚
那晚真的很盡興, 也非常感謝羊爸爸的招待
結果這個暑假回來真的變肥, 但羊爸爸的家常菜真的很好吃: p
卡啦OK聽起來也很愉快呢, 可惜我要早點回家, 不然就可以聽到各位出眾的歌聲了
今早未睡醒時聽羊爸爸的電話, 真的很不好意思, 我好像很沒有禮貌的…
讚讚
倘蒙邀約，若在下在香港，自當恭敬不如從命。這裡先謝過羊爸爸。
讚讚
嗯，好核突。
其實你不用流了口水，只要你高興，羊爸爸也歡迎你來作客。
讚讚
花想高興就好，希望你這個暑假比往年更難忘。
未睡醒接電話怎會不好意思？不接才是沒有禮貌呢。
一早嘈醒你，很抱歉。
讚讚
小明五蚊一餐都唔去羊爸爸喥食…
讚讚
羊爸爸煮D嘢唔好食。
讚讚
傻啦,羊爸爸,係小明重未識珍惜住家飯o既好,而且佢都唔想只畀5蚊就食到一餐飯,要你咁蝕底啫.
讚讚
咁慧瑩得閑就多Ｄ帶佢上嚟食啦.
讚讚
啊,咁我都唔可以要羊爸爸蝕底,你一定要收我錢,否則我唔o黎.
讚讚
慧瑩呀，求求你讓我躲開，明知我不喜歡講錢你就老是同我講，你一定要攞番留係我屋企Ｄ嘢呀。
讚讚
小羊的爸爸 : 慧瑩呀，求求你讓我躲開，明知我不喜歡講錢你就老是同我講，你一定要攞番留係我屋企Ｄ嘢呀。正所謂’無功不受祿’.羊爸爸,你都想我活得心安理得個呵.
讚讚
咁， 咁，咁…..唉！真係頭痕。
讚讚
咁咩吖?你收o左佢就大家都心安,因為扯平o左o架.
乖乖地啦.
讚讚
唔制。
讚讚
羊爸爸冇口齒呀，又係您話我可以請返您地o既，又冇講唔准買o野去您屋企，而且我買來的東西我都有份吃呀。
讚讚
喂喂,羊爸爸,你呢篇好似叫"愉快的網聚",點解o衣o家你同我,Daphne同你o既留言都變晒講數o架?
羊爸爸,你為我o地付出o左好多好多,唔止時間,精神.其實睇你個blog,真係不知不覺間學o左好多好多o野,我o地袋o左唔少錢o架,感澈都o黎唔切.
而我呢一啲啲,其實你係冇賺,收o左佢啦.
讚讚
邊係呀，羊爸爸係全世界最講口齒的人。
咁羊爸爸煮的飯餸羊爸爸都有份食嗰喎。哈哈！
讚讚
Daphne 、慧瑩：你地講掂數再揾羊爸爸啦！
謝謝！
讚讚
YEAH!!!羊爸爸投降.
只要我幹掉埋Daphne就得喇. 😛
讚讚
好驚呀，一o黎就見到有人話要幹掉我其實呢，慧瑩，我o地一人請一次咪得囉，使乜爭喎！
讚讚
羊爸爸好奸，偷換概念呀？咁您請我，我請您，梗係大家一齊食啦，唔通請o個個剩係睇住人地食自己唔食咩？（話時話上次您請我食下午茶，您真係剩係睇住我食，超汗顏）所以"您有份食您煮的飯餸"，同"我有份食我買來的東西"，跟"輪到我請飲茶"係冇任何關係。結論就係應該"輪到我請飲茶"，因為您講過我可以請返您o地，唔認就係冇口齒。
讚讚
嘩，唔好掛。搞到隊霖人咁大件事。
讚讚
好o野！
讚讚
在下第一次踫上Daphne，被她一聲棒喝，嚇得落荒而逃；但羊爸爸就時常向Daphne老師駁嘴駁舌，撐到現在才肯俯首投降，可算是雖敗猶榮了。
讚讚
睇你開心到，真係施比受更高興，一點都不錯。
讚讚
哇哈哈))))))唔咁講你唔知驚o架.唔……好啦,就咁決定.
哈哈,我幹掉佢排牙,咁佢就駁唔到我啦.
讚讚
我借個虎頭鉗比你。
讚讚
讚讚
哎呀！嚇親Daphne。
對唔住，羊爸爸收番把虎頭鉗喇。Daphne唔洗惊，你唔講嘢，我呢道就會冇咁熱鬧喇。
讚讚
好似欠咗d野喎… 有菜無餚, 等我攞支紅酒來, 講數都多樣野傍身啦 :))
讚讚
冇牙食唔到o野好慘o架。
讚讚
羊May媽媽，好耐冇見，賞面一齊飲茶嗎？
唔該晒，唔使紅酒啦，講掂數喇。
讚讚
謝謝羊May媽媽，只是羊爸爸唔飲酒，大家都唔肯飲，下次叫佢地陪你飲。
讚讚
依家唔洗怕啦！
讚讚