親愛的女兒：
你好！
前日深夜，你媽帶著一肚“氣”，由韓國旅行回來了。一回到家中，急不及待的，不是向爸爸講述旅途的愉快，而是大吐“苦水”。
原來你媽參加的是星辰旅行社韓國首爾五天團，全團18人，團費每人4000元。首天零時30分由香港起飛，到韓國安排好酒店，已是清晨時分。那酒店房間的佈置，令媽媽想起去年3月11日在鑽石山長壽館為你送行的情景，自然又是一輪悲傷。
一夜無眠，吃過早餐，領隊帶大家到賭場去，你媽暈陀陀的輸了等於500港元的韓幣，好在還未昏迷，知道忍手，要不就更加損失慘重。夜晚又為免掃大家的興，參加了住房裡領隊開的賭局，再輸掉100多元，不得不自認黑女。
全程五天的活動，兩天購物，一天溜冰，一天浸溫泉，一天買手信。溜冰時要租用所有溜冰用具，你媽溜了二下，摔了二跤，領隊在旁視而不見，全不理會，你媽不敢再溜，坐在一邊休憩，那知有一隊友飛溜過來，收制不及，撐杆撞在你媽的屁股上，痛到她標眼淚。還有一個隊友更加驚險，居然表演凌空翻滾，連臉也刮花了，幸好傷口不深，不至於破相。
全程有一女人跟隨拍照，并在進餐時幫大家添飯。事後領隊告訴大家，如果自己添飯，是要另外加錢的，這個女人幫手添飯，就不用加錢，要求大家買光那女人手頭上照的相，全團人都聽話照做。
臨別領隊發表討打償演說，以一句：“如果你地o係返香港，冇屋住，冇飯開o既，就唔使比喇！”作結尾。你媽聽了，原本打算給100元港幣的，結果只給了20元。
爸爸聽了你媽的訴說，真的怕怕。
祝你每天都開開心心！ 你的爸爸：老羊狼一世
2009年03月11日20：52於香港
凝望 
進了黑店，簡直就是「貼錢買難受」！
讚讚
o係囉，在呢個世界，少D智慧都難以好好生存。
讚讚
咦?!我05年頭都係跟星晨去韓國玩,領隊同影相o既OK冇問題喎.
而我o地都係晨早去賭場,導遊話因為啲職員開始換班同冇咩精神(目及)住賭客,所以唔會點輸,重教我o地用相同金額一人買大一人買細,咁就一定冇輸冇贏.
呢次可能羊媽媽跟到啲唔太好o既職員.
讚讚
呢次羊媽媽不太夠幸運吧, 跟到不太好的領隊, 可惜了
讚讚
哈哈，我都是頭一次听人講：「用相同金額一人買大一人買細」這樣賭錢，徒費精神，你的領隊很“聰明”。
讚讚
算不了什么，自從失去小羊，此等小事，已不值得可惜了。
讚讚
哈,重漏o左講,佢重叫我o地要扮唔識,唔好有交談咁話.
讚讚
可能佢只o係為o左交差，又唔想你地輸錢，所以o局住咁做。
讚讚
下，又會有這樣的旅行團…很可怕
我會記住星晨，一世都不幫襯
讚讚
我已經沒有參加旅行團很久, 原來會這樣~
下次小心小心小心
讚讚
真的很可怕。
「一世都不幫襯」，明智之舉。
讚讚
我也一向覺得，自由行最好玩，自由自在，不用處處受制於人。
讚讚
而家跟團其實唔開心機會幾高, 因為領隊比起從前難搵食好多, 相對佢要係客身上搵更多錢.
最近跟團又理想要想番02年, 跟鐵行去華東, 服務一流, 我第一次見到所有團友比貼士都多過預設金額; 不過咁多年之後, 仲得唔得就唔知.
讚讚
領隊討貼士討到咒人唔比就仆街，我都是第一次听到，大過份了。
你曾跟過咁好的團，我都有些羡慕。
讚讚
很壞的領隊呢!羊媽媽沒受傷嗎,聽了也嚇人呢!
讚讚
謝謝哈姆關心，羊媽媽沒事，只是屁股還有點痛。
讚讚