5月31日的中午，步出雪廠街政府合署，天氣很是燠熱，馬路上的紅綠燈剛好是紅色的，我停下來，等待。人甚是疲憊，眼晴裡有些紅絲，感到輕微的疼痛。還有，偏頭痛的感覺。像極了每次踏出考場之際，那份虛脫的感覺。
期待燈色轉綠。等待之間，原本清醒的頭腦，忽而變得混亂起來。思緒頓成糾纏不清的亂絲 －－ 啊，在面試中說話時，犯了這樣的、那樣的錯誤。怎麼搞的，當時的回答，還能再好一些嘛！啊，我真愚蠢。我，就這樣，惶恐起來。像極了每次踏出考場之際，那份自責的感覺。
心裡真不舒坦啊！像極了．．．考進大學之前的感覺。那年的暑假，在一場面試以後(嗯，當年共有四間大學召我面試)，我回到家裡，害怕得哭起來，眼淚如崩堤後的湧流。今次，我沒有哭。我很想很想很想大哭一場，但是我沒有。我，哭不出來。數天過去了，我就是哭不出來。眼淚，一顆也沒有。
凝望 
世上會令人欲哭無淚的事實在太多,但未到最後,又點知唔係喜劇收場?
狼,不是會輕易流淚的吧?
讚讚
EOII??
聽講渣master底或者做開呢個位既先有勝算.
所以我估你都係唔洗比自己太大壓力,當係去玩下咪得law
讚讚
黑影：
其實我唔敢有太高期望。有得面試，已差不多是極限了(唸都無唸過呀)。
而家，唯有咪等結果囉。八月先有通知喎。
讚讚
大塚：
話時話，果日見到d面試者個個都威猛過人，全都強者風格，塊面仲要似足包公。好得人驚呀！
讚讚
我已經哭過很多遍了。
讚讚
我總是怕面試, 大學畢業後出來找工作, 不停的面試面試面試, 每次面對不認識得人都表現得極其緊張, 甚至試過出現突然空白的情況, 真的想打自己兩把掌。然而, 再差的還是會過去, 行也好, 不行也都好, 上天早已為我們寫好了道路, 我們總會踏到上面去。
讚讚
我去到見「大佬」果下被 foul。欲哭無淚。
祝好運！
讚讚
未到最後都未知結果. 小羊亦不要自責懊惱, 什麼都可以輸, 但不要輸掉自我的肯定.
讚讚
梗係啦!EOII喎,一上場就分分鏡要管成隊人,唔好彩重要渣埋盤數,隨時做死人無命賠.
(不過都係要睇做邊度,有D EO真係得閒過鬼架!)
讚讚
似乎你都經歷了很多！
讚讚
面試，真係好睇你既表達功力呢！我也相信車到山前必有路。
讚讚
佢地問既幾問題都幾難答幾刁鑽架，問好多人事管理既野(汗)。
謝謝你的祝褔！
讚讚
好似果句野咁：做人樣樣都可以輸，但係信心就唔可以輸！(電視劇天地豪情既對白)
讚讚
好想知道有幾多人面試？感覺．．．好似無獎品既安慰獎。
咩叫「渣埋盤數」？唔明？
讚讚
EO既工作之一,you don’t know??
響政府裏面做既,每逢要claim錢,To個欄都係寫 EO/A&S.
讚讚
管錢係EO既工作之一, 你都知要問政府擺錢,有幾煩,做A/C個邊既EO真係煩到嘔茄架!重要好少心架!因為隨時會出錯,一錯就唔洗旨意有得升,跳point都可能無份.
所以點解D公墓員咁怕死同咁小心,就係咁解,因為一錯就係成世既事.
由一百幾十蚊到一百幾十萬都係搵你喎,你唔做死呀!
讚讚
奇怪?我又唔係做EO,咁肉緊做咩呢??
不過我有份做單,知道有幾煩.
讚讚
大塚:
原來係咁，你唔講，我真係唔知喎。Anyway，好似過木人巷咁，佢比我過關先算啦。
讚讚
考試總是令人緊張，我為祈禱吧："金榜提名"！
讚讚
Gary：
沒咩把握啦！Anyway，thanks。
讚讚
我見都冇….IO又失敗了
不過係你就係你, 你不用那麼急, 說不定是柳暗花明又一村呢
讚讚
Blue：
呀～單單係唸起呢單野，已經七上八下亂晒籠。結果究竟會點樣呢？我唔敢去唸(好耐未試過咁樣啦)。
讚讚
你講到好似中意左個男仔咁既?
讚讚
大塚：
如果係既話，我唸果個男仔會好驚？(哈哈哈哈！)
讚讚
大概大家也是很容易緊張的人吧? 我面試的表現總是很差, 現在這個職位也只是因為當初和老闆傾左兩三次(每次個零兩個鐘), 傾傾下熟左所以唔緊張先拎到…
話說回來…看過你給的題目, 那些關於管理的我真的答不出來, 看來下次要見政府這類工時要看一點管理的例子或是書呢! (上次去見圖書館時又係第一次面試就死左…v-v")
讚讚
Yan：
說話的技巧真的很重要呢！我都在學習中！
那些問題，要答得妥當，都幾難呀。
讚讚
請問可以告訴我EOII面試有什麼題目嗎?
讚讚
甚為抱歉，葉，這是我女兒的經歷，她已沒法回答你的問題，因為她走了……
你可往以下網址去探望她：http://spsweb.dynalias.net/sps/form_function.html.php?action=album_details&filter_id=20090405_094240_itqP7DOLA8
讚讚