恒指六月飛霜

呢篇係第一篇講技術分析既文章.要寫這一篇,羊狼很惶恐,怕寫得不好.但不寫不寫終須寫的.廢話講完,步入正題.恒指近日的走勢好反覆喎,睇下下面果幅圖先:

呢幅「恒指走勢圖」上面有條紅線,代表5天平均線.綠線代表10天平均線.人們通常會用10天同20天同50天平均線.而我咁咁咁係為左突出個現實感同埋震撼感,無乜特別原因.

紅紅綠綠呢兩條線糾纏在一起,一路向上,到達17,300點之後不久就掉頭轉下,形成死亡交义.呢個唔係一個好既訊號,於是各界認為股巿將會下試牛熊分水嶺250天線:15,200點.何謂牛熊分水嶺?傳統智慧以250天線為分界.在250天線以下可視為熊巿.在250天線以上則為牛巿.但係呢幾日恒指都係上上落落;在15,800點左右既位置反覆遊走.到底點解?羊狼心裡認為有兩個原因:

1. 因為15,800點曾經係阻力位,過去好友在此處兩度無功而還.根據阻力位變支持位既原理,在第三次突破左之後,呢處就成為左支持位.過去幾天恒指即使滑落到15,700點又會反彈至15,900點,就因為支持位在起作用(呢一段好似有些語法/邏輯問題,但我暫時想不到如何表達).

2. 反彈動作  —  空頭巿場裡,距離移動均線差幅大,會有反彈動作,但反彈至均線附近有反壓.(抄自 鄭瑞清 "買點與賣點" p.103) 即係話10天平均線有少少磁力王(X-men 角色)既性格,鐘意吸番D掉落得太低既陰陽燭.但係唔持久,呢點似乜東東呢.大家自己估.

究竟呢個反彈動作幾時完成?5月30日既黑線(陰陽燭)己經觸碰10天線.係咪預言左6月1日既跌勢?我唔肯定.而且我唔知整固局面會否短期內打破.而家既15,650點,距離支持位15,800點唔係太遠.未可斷言此位置目前己經守不住.但係,「支持位久守必失」(錢可通 "股票致富168招-提升篇" p.160-161).個人認為一個月之內,呢個位置會失守.

世事如何演變?會否真如羊狼講的?咁就不知道了.羊狼,都係一昧靠估.呵呵.

(免責聲明：本文不構成投資建議。閣下作出任何投資決定前請三思。)