熊之君臨天下?

嘩,熊來了?港燦話美股呢一年都未見過咁樣跌足兩晚喎.五月要忍手喎.又或者睇睇有邊D強勢股囉 (響 To: LTV Cafe – Tony Choi 個篇文既留言). 首先,我要重組一下案情先.5月12日,環球股巿 "BON", "BON" 聲咁跌,除了滬深股巿. 幕後兇手係:金屬及原料價格高漲,6月"息口"可能「再上一層樓」,驚嚇股民個心(學左青仔添).本地負面消息有新地配股,及天津港,中行排隊來上巿,巿場資金抽緊.交代完,可以轉去分析啦:

1. 資金流走? — 睇真D,亞洲各區貨幣無乜明顯貶值喎.跌得最重最明顯的,亦只有印尼盾.印尼盾於5月12日跌了1%左右(以1天計).亞洲貨幣未見轉弱,可以假設亞洲未有資金流走之嫌.

2. 息魔肆虐? —  巿場是否相信6月28及29日FED會暫止加息?之前巿場一直如此堅信,是否一廂情願?今又如何?美國下周二及周三公布生產物價指數PPI及消費物價指數CPI.不宜輕舉狂動.否則枉死左都唔知.個人相信PPI及CPI均會上揚少少(因金屬及能源價格走高),屆時又再驚嚇股民個心.相信過左呢個一小小既巨浪,巿場又再高唱息口見頂論啦(如果以經驗去看).

3. 結論:似狼來了多D — 下周外圍股巿看淡 [Base on 觀點2] .但驚完之後會喘定氣,開始再上揚.因美元偏軟這一基本因素會繼續燒旺各地資產價格 [Base on 觀點1] .即5月22日大地回春.本地股巿睇怕要看6月中行上巿後,資金解凍後才會回復生氣..

4. 機中有危,孟不離焦 — 我偏向相信美國FED於6月是否加息,才是對環球股巿真正的考驗.此外,日本於下月是否加息,也值得重視.6月,這火熱的月份,可能是一個轉角巿.

開始發覺寫金融寫到想嘔,好似每週家課咁,好慘.唔知係咪「感冒」影響左我對經濟金融既感情呢?我要快D好番~

資料來源: 香港經濟日報 06年5月13日

P.S.: 呢篇文好似講得好武斷!講真,都唔知下個禮拜同再下個禮拜會唔會係咁樣既走勢…我驚講錯野添.