昨日在日間血科病房中，聽到一位病人說：「醫生話輸兩包血俾我，但我就話唔好嘥野啦，一包都夠用。」（他應該是一位長期要輸血的病人）
我心諗，我一黎就整十包血清，用量咁大，仲要冇預算到既急症黎，到底血庫點平衡？
然後又同洗血姑娘展開左對話。
血漿、血清和血小板
她說，一般這間日間血科病房（G5病房）一天會接待20-30個病人，平衡一人需要一至兩包血製品（只是這間病房，還有其他病房都未計）。講到血製品呢，基本上一位健康人士捐一包全血，可以分成三包：血漿、血清和血小板。血漿是紅色的，有紅血球在裡面，一般捐出後，用少少防腐劑，可以保存一個月；血清就是我平日洗血用的，就是上次提到的Fa Fa P，因為可以被急凍，所以保存期會比較長，可以長達兩至三個月，但解凍後呢，就要立即使用；而血小板呢，它在血液中是最小的，而且也是最矜貴的，保存期只有兩至三天，但在我住的病房裡面，其他四位病人都不時要輸血小板，但都不常有貨。
所以呢，捐一包血，可以一次過有三個人受惠嫁！
Consent or Not
上次提到，我輸血時有敏感反應，其實至今輸左成200個人既血清俾我，先中一包有敏感，都算係咁。基本上輸血之前呢，係一定要簽名Consent的，因為是有一定風險的，最危險可能是有愛滋病患者捐了血，但在空窗期是驗不到的，而包血輸左俾人，有就賴野啦，但基本上在香港是很少有這些case發生。
那我又好奇地問，咁有冇人唔consent既呢？姑娘說，至今見過5個人唔consent。有趣的是，最企硬的是因為宗教問題，伊斯蘭教教徒是不可以輸血的，就算是兄弟姊妹的血也不可以。但如果是很急的，例如是交通意外，急需輸血的，就會連血型都唔驗，直接落O型血俾病人。我在想，咁如果係伊斯蘭教人，醒返發現自己被輸血了，咁咪好崩潰？姑娘就話會問在場家屬意見，要佢地consent囉。唔講都唔知，原來要deal with呢d case。
所以呢，其實捐血真係幫到好多人嫁，如果你係O+型血，最近又有捐血，有可能你的血清會俾到我添，可能我身上的細胞，有幾粒係屬於你的，真係諗起都覺得浪漫。
係咪睇完好想捐血幫人呢？
http://www5.ha.org.hk/rcbts/hkindex.asp
去呢度睇下啦！
凝望 
咁我去捐血, 啱妳駛, 又可以跟妳浪漫一番 😛
年輕時, 我每年主動揾捐血車的, 因為係為自己著想:
– 捐血資格: 所以表示身體健康 🙂
– 捐血後, 身體重新做過更靚嘅血
– 可以練大個膽, 因我怕見血
– 有美味嘅餅乾食 🙂
近年再去捐, 俾人話我, 一把年紀留返D血養命呀!
有一次去過大陸嘅農場, 就拒絕我捐血, 無端端抽左血
讚讚
謝謝！May媽好有心。
讚讚