為
求殺出一條血路，首創茶餐廳「放題」的荃灣「肥嘟嘟茶餐廳」，新招一出火速變全城熱話，吸引大批食客跨區幫襯，門口日日排長龍，可惜食客的食量超出「肥嘟
嘟」預期，有食客甚至由朝食到晚，令餐廳血本無歸，所以東主昨日決定加價三成三，最便宜一款30元任食放題加到40元。
「肥嘟嘟茶餐廳」位於海濱
花園海霞閣，本月一日推出兩款分別30元及60元的任食套餐，消息熱爆全城，吸引大批市民蜂擁搶食，優惠噱頭令餐廳生意額暴增三至四倍，門口排隊人龍試過
多達70人，食客更要排隊4小時才能入內，一度需要派籌截龍。
不過，優惠推出未夠兩周，「肥嘟嘟」昨靜悄悄加價，兩款任食套餐加至40元及80元，加幅達三成三。有網民指加幅合理，認為「唔通想食到人哋餐廳執笠?」
亦有網民稱加價屬預期，但「冇諗過咁快」，感覺「太猴擒」。
「肥嘟嘟」老闆鄺先生解釋，加價是因為食客的食量超出預期，他初時估計每名食客最多叫
3個餐，但實際情況是有食客叫完6個餐後仍繼續「落柯打」，他表示新招推出後三日便發現食客食量驚人、情況嚴峻，實施一周已虧損萬元，隨後更有擴大迹象。
有食客坐足8粒鐘
鄺先生續稱：「大前日有一個幫襯30蚊套餐的食客，在茶餐廳坐足8粒鐘，仲要由朝食到晚，所以前日起開始實施最多2小時嘅限時制度，店員會口頭通知食客，但如無必要亦唔會趕客，客人可以食到滿意為止。」
儘
管「肥嘟嘟」大幅加價，但無阻食客熱情，繼續客似雲來，昨晚門外一直維持有數人排隊，店內座無虛席。昨晚不少食客均是首次幫襯，他們大都抱着貪新鮮而來，
發現「肥嘟嘟」大幅加價後，有人即時揮袖而去，有人照樣叫餸開飯。除收費有變外，兩款套餐食物款式大致不變，40元任食的有沙薑雞飯、乾炒牛河、五香肉丁
公仔麵等，送一杯飲品，下午六時前供應。80元任食放題則是全場任飲任食，包括最貴的小菜套餐，菜式有椒鹽雞丁、蒸釀豆腐及菜遠牛肉等。
食客意見
【貪新鮮試吓】
文小姐：同朋友由沙田嚟試吓，諗住貪新鮮，嚟到先知加到80蚊位，冇所謂會照食。
【加價可接受】
張先生：諗住會叫10幾碟餸食，加到80蚊都仍然可以接受，再加就一定唔會諗。/蘋果日報
凝望 