親愛的女兒：
你好！
難得今晚你媽在家吃飯，爸爸不很用心就炮制出一頓豐富的晚餐。
共有四道菜一個湯。
第一道菜：蒸幼身茄子。
第二道菜：蒸清遠走地雞。
材料：幼身茄子一斤，近三斤重鮮活清遠走地雞一隻。
二道菜同時炮制：先將茄子洗乾淨，鋪在碟底，上面放上走地雞。大火蒸十六分鍾，熄火將雞和茄子分開盛在碟中，茄子淋上豉油，雞即白切斬件。蒸出來的雞汁留用。
第三道菜：雞汁炆南瓜。
材料：新鮮南瓜一斤多，洗淨切件。
制法：將鑊燒紅，落一湯匙油，倒下南瓜，炒約三分鐘，加入雞汁，放適量的鹽和醬油，蓋上鑊蓋慢火炆十分鐘。
第四道菜：豆豉薑片蒸盲鰽魚。
材料：斤多重鮮活盲鰽魚一條，豆豉薄薑片適量。
制法：將魚洗淨用鹽奄好，鋪上薑片豆豉，放入鍋中大火清蒸十分鍾。然後淋上滾油，再淋醬油即可上檯。
一湯，材料：鮮活鷓鴣一隻，甜粟米一大條，元肉一両。
將各種材料洗淨，放入大瓦煲中，加滿水(看人數多少決定水的分量)，煲滾後再慢火熬一至二小時。 放入適量的鹽和豉油，一鍋美味的鮮湯便可飲用。
今晚這一湯四餸，直將爸媽和小妹吃到飽上喉嚨。
爸爸飽到不能再吃，但仍然想吃，特別是那一道雞汁炆南瓜。
只可惜菁兒你不能同我們一起分享。
祝你每天都開開心心！
你的爸爸：老羊狼一世
2011年08月05日20時25分於香港
已經很久沒在網上玩踢來踢去的遊戲了。
看了yan寫的《我的 comfort food》，老羊特地寫了這篇，算是接踢吧。
現在羊爸爸踢：慧瑩、雷娃、藍秋哥哥、Gaby、葉太CC和請大家多多捧場。謝謝！
其他網友的comford food:
堂本冰子: [Tag] 我的 comfort food
Rice: [tag] 我的comfort food
Aulina: 窩心食品
Gabriel: [Tag] 我的 comfort food
Lu: 我的comfort food
凝望 
羊爸、羊媽，夜貓子突然掛念你們喎，専登過嚟 say 個 hi ，來個抱抱吧…..^3^
讚讚
謝謝「夜」貓「子」，我們也牽念你。
請多來坐。
讚讚
使吾使咁詳細描述呀!流晒口水,我家今晚係肯德基食死雞肉!
讚讚
oliken唔駛流口水，你照我講嘅辦法去整，就有好嘢食嘞。如果懶得整，得閑就嚟我度食啦。
唔好食咁多快餐垃圾，冇益架。
讚讚
這個算不算一雞三味呀?
讚讚
坦白說，羊爸你對雞的做法很透徹，我想你真的要考慮轉型做私房菜。
讚讚
不很用心就炮制出一頓豐富的晚餐,羊爸爸廚藝了得啦.
睇完呢篇文以為羊爸爸寫食譜,原來係個tag,我都唔識煮餸,今次死梗啦.你畀啲時間我.
讚讚
似是而非。
一雞三味點整？還請希樹指教。
讚讚
慚愧，羊爸只會做十道八道菜，還未夠班做私房菜。
讚讚
呢幾味餸，都唔知煮過幾多次，閉住眼都煮得出嚟啦。
好易啫，你去睇下佢地點寫，一定掂。
讚讚
羊爸爸的comfort food是自己煮的菜餚，我的comfort food就是羊爸爸煮的菜餚 :O
讚讚
你咁就當寫咗？咁鬼奸，唔算呀！！！
讚讚
我係忠既，去我度睇下，寫左差唔多600字啦！
讚讚
哎呀！頭先看你的留言時，我去咗你度幾次，都未見有文出，就妄下判斷，真個非常抱歉。
我去看了，寫得很好呀。真不愧為我的老師兼一代才女。
讚讚
哎呀，頭先我係呢度留完言先至去返個邊寫文，羊爸爸睇唔到係極之正常既，睇到先至驚！唔使抱歉 😛
寫得好普通咋喎，才乜鬼女丫！
讚讚
緊係才女啦，你喺文中讚我啲嘢好食，我唔讚番你點得呀？咁咪叫互相吹捧囉。哈哈！
讚讚
我有讚您咩？好似係您成日讚我之嘛。
讚讚
咁你係真真正正嘅才女，抵讚吖嘛。
讚讚
羊爸爸，謝謝您的邀請，我剛剛寫好這篇文章，您看看收不收貨？
讚讚
謝謝你捧場就真。
Gaby寫得又快又好，羊爸爸點敢唔收貨呀？
讚讚
什麼交功課，哥哥太客氣了。
小羊爸爸拜讀了你的大作，寫得非常好，謝謝你捧場呀。
讚讚
寫得幾好吖。
知道你咁忙，就唔踢你啦。真唔好意思。
讚讚