親愛的女兒：
你好！
你媽近日老是打乞嗤，流鼻水，她說因為身子虛，才會這樣，要爸爸煲豬腳薑給她吃。
爸爸已很久沒煲豬腳薑了，但仍依稀記得怎樣煲豬腳薑。
爸爸下午到街市買了兩隻豬手(豬前腳)，一斤半薑(由菜檔檔主刮去薑皮)，一個售價115元的大瓦鍋和一瓶五斤裝的甜醋。
回到家中，將豬手、薑和瓦鍋洗乾淨，先將豬手拖水(放入滾水中浸一會再過冷水)，起油鑊炒香，薑也同樣炒香，然後放入大瓦鍋中，倒入的醋要浸過所有材料的面。
開了石油汽爐，爸爸正式開始煲。
一邊煲，爸爸一邊忙著準備晚飯。
一不留神，煲滾的醋流了出來，最少流掉一斤醋。爸爸用了十幾分鐘才清理好灶台。重新用慢火繼續煲。一個半小時後，一大鍋香噴噴的豬腳薑就煲好了。
爸爸率先吃了一碗，昨日的小感冒便好了。
你以前也很喜歡吃豬腳薑的，爸爸盛了一碗給你，你慢慢享用吧。
祝你每天都開開心心！
你的爸爸：老羊狼一世
2010年12月29日21時12分於香港
凝望 
打乞嗤，流鼻水連如果有喉嚨痛, 可以吃豬腳薑嗎?
咁都得? 病都會轉好了?
我真的不知呢! 上次出了感冒(打乞嗤，流鼻水,喉嚨痛), 看了西醫, 食了5天藥後痊癒!
現在又再喉嚨痛, 又重覆食藥…….
讚讚
嘩!羊爸爸鍚到羊媽媽呢…..真係羨煞旁人.
豬腳薑好味呀!我o地通常都係食現成o既呢.
讚讚
你新年快樂!!!!!!
讚讚
用十幾分鐘清潔灶台，對我來講簡直痛苦萬分比死更難受!小弟平時都有買定一些薑皇精給家人沖水飲都不錯。
讚讚
我們是寒底的人，才可這樣治療。如果像你這樣的熱感，加上喉嚨痛，千万別吃。
感冒都要食5天藥，看來你的抵抗力很差呢，要加強鍛鍊身體才行。
讚讚
嘻嘻！
如果慧瑩喜歡吃，搵日去你屋企，煲一大鍋擺喺道慢慢嘆。
讚讚
哈哈！oliken真係個有福氣的人。
讚讚
羊爸爸曉煲薑醋, 羊媽媽真有福.
這工作大多數女人或老人家在生產前煲定的, 大多數男人哪會做呢.
讚讚
先謝謝羊爸爸.
我同媽媽都好鍾意食(唔知係咪女性多數鍾意食呢啲),不過唔好麻煩羊爸爸喇,我o地買就得呢.
讚讚
我們是寒底的人，才可這樣治療。
我也是屬寒底, 很怕凍….
聽你這麼說, 原來我抵抗力咁差…… 謝謝你的分析和解釋!
好好珍惜和太太撥出多時間相聚, 放下生意, 周圍去旅行~!
新年快樂 2011~~
讚讚
不好意思. 打錯字
更正: 我是屬寒底的人….
讚讚
我咪係老人家囉。哈哈！
讚讚
不客氣。
買嘅冇自己煲嘅好食。
讚讚
你沒學過中醫，怎知自己寒底呢？
謝謝你關心。
羊爸爸也祝你新年快樂！
讚讚
不要緊啦，我睇得明呀。
讚讚