嗯，我剩係想寫8月8日果日既消費實錄，得唔得呢？好，開波！
話說果日我咁啱響圖書館睇報紙，唔覺意睇到宣明會舊書義賣既新聞。即刻啦啦聲撲去樂富參加尋寶團。當時見到下面呢本辭典(封面不一樣，那是91年舊版)，即場呆住了，仍作出反射性動作半秒內伸手搶書，但係無人同我搶喎。之後又擇左兩本書：《安妮的日記》、《湯姆叔叔的小屋》(後者可不是市面上常見的縮寫本哦)。
(共收錄了3000多個成語動詞，適合英語初學者。由於我根柢不夠厚，可以用這來補底，挽救成語動詞及文法的弱點)
場內我又見到《Collins Cobuild 介詞》，正呀，仲好蔟新添。可惜已經比兩母女攞左，佢地左稱右稱好似唸緊要唔要。我企係一邊扮作「佈景」，但係佢地最後都係要左呢本書。我就猛咁揼心口同自己講，唔好咁貪心啦，屋企已經有本《英語一日一介詞》啦。
攞出櫃面果時，D義工話本辭典響市面上賣得好貴，約200蚊。所以唔可以當3本$50計，要當1本$30計，另外果兩本如果唔夠3本就當1本$20。我掙扎左好耐，最後都係三本照買。預計消費$50，結果用左$70。
之後係吉之島既十元區window shopping，見到唔少木製既家居用品。停下細細品味一番，憶起中學時代常常到木工室(但我不是在那裡刨木)。非常開心。
返到屋企，仔細檢查了這三本書，抹乾淨之後包上書膠。《安妮的日記》開頭幾頁有紅筆劃線痕跡。《湯姆叔叔的小屋》的第641-658頁掉了出來，我用膠紙貼補好了。都算叫做七、八成蔟新(殘黃的書我不會要)。至於那本辭典，前期主人保養功夫做得很好，內頁沒有甚麼問題。可以說它是我這次尋寶遊戲中最大的收穫。
集體吹水聯盟無無謂謂消費實錄（全日更新列表中）：
aulina: 無無謂謂消費實錄
Bill: 無無謂謂消費實錄
CP: 硬膠的誘惑
Guy: 無無謂謂消費實錄
Gabriel: 無無謂謂消費實錄
rice: 無無謂謂消費實錄
lu: 無無謂謂消費實錄
HW: 無無謂謂消費實錄（失敗篇）、無無謂謂消費實錄(成功篇)
李小球: 無無謂謂消費實錄
kitB: [聯播] 消費。消費。消費
Ken: 八號波來寫BLOG
Uncle Ray: 不一樣的無無謂謂消費實錄
田中小百合: 一下子老了十歲的《最愛笑的人》
domotoiceko: 無無謂謂消費實錄
小蓓: 無謂有謂．盡在消費
凝望 
小羊原來你對這些舊版有興趣嗎？如果是91年左右的話，正是小譯初踏足大專的時期呀，那時存了很多很多collins cobuild的東西，正準備「更新」（貪新忘舊）中，如果你不嫌棄是二手（我也是很保養書的人喇），我先記住你可能會有興趣喇。
讚讚
娜姐：
其實，我唔肯定我會唔會睇呢！哈哈哈哈！
如果你唔要既collins cobuild東東，我可以收留一兩本的(太多我會唔好意思的，加上屋企無地方擺)！在這裡先謝過了。
讚讚
好好學啊
攪到我有d慚愧添
讚讚
呵呵﹗無無聊聊消費我就無喇﹗無無聊聊逛博就有﹐我按右上角那個隨機網誌就入咗嚟﹗
讚讚
其實我好怕辭典，不過講出嚟都無人信。哈哈哈哈！
讚讚
靚媽唔好扮無錢啦！！
讚讚
放心放心，都不算太多，留一兩本傍身總是有用的，一本是grammar，一本是english usage，就是你購入的同期產品了（新的已買了在家，舊的現在放公司做「裝飾品」。
找天約你嘍！
讚讚
娜姐：
好呀，我不客氣了。你甚麼時候得閒，便抽個空給我電郵吧：contact.ching@gmail.com。或者你在留言板留言都得。
讚讚